Павел Іванавіч Казакоў

Рыгор, кандыдат у прэзідэнты ад Партыі БНФ на выбарах 2010 года і старшыня гэтай партыі, быў затрыманы 12 красавіка 2021 года ў рамках крымінальнай справы, узбуджанай па артыкуле "змова або іншыя дзеянні, учыненыя з мэтай захопу дзяржаўнай улады". У верасні 2022 года яго прыгаварылі да працяглага тэрміну зняволення, нягледзячы на пагаршэнне яго здароўя ў зняволенні і выяўленне анкалагічнага захворвання.

Улетку 2023 года яго пазбавілі спатканняў і канфіскавалі асабістыя запісы, у тым ліку чарнавік кнігі і адрасы для перапіскі. У лістападзе таго ж года яго перавялі ў ПКТ на 6 месяцаў.

У студзені 2024 года пакаранне Рыгора было больш жорсткім, і яго перавялі на турэмны рэжым. У красавіку таго ж года ён перанёс аперацыю, а адразу пасля яе быў вернуты ў камеру.

Вызвалены ў ліпені 2024 года ў рамках памілавання.

Кастусь быў асуджаны па артыкуле аб "распальванні варожасці" за каментар, пакінуты ў інтэрнэце.

Вызвалены ў чэрвені 2023 года, цалкам адбыўшы тэрмін пакарання, прызначаны судом.

Іван быў асуджаны за каментар у дачыненні да супрацоўнікаў міліцыі, які ён размясціў у верасні 2020 года ў групе "Народны патруль" у сацыяльнай сетцы "УКантакце".

У траўні 2022 года яму ўзмацнілі жорсткасць пакарання і перавялі ў калонію за "парушэнне парадку ў папраўчай установе". Вядома, што нагодай для гэтага сталі чатыры рапарты, складзеныя за тое, што ён "прылёг на ложак".

Вызвалены ў снежні 2022 года, цалкам адбыўшы тэрмін пакарання, прызначаны судом.

Андрэя затрымалі за ўдзел у акцыі пратэсту, якая праходзіла 23 верасня 2020 года супраць інаўгурацыі Лукашэнкі ў Менску. Яго асудзілі за тое, што ён перакрыў праезную частку каля станцыі метро «Пушкінская», а таксама нібыта пашкодзіў два патрульныя аўтамабілі і напаў на двух інспектараў ДАІ. Андрэй сваёй віны не прызнаў.

У канцы снежня стала вядома, што Андрэю ўзмацнілі жорсткасць пакарання і перавялі на турэмны рэжым.

Вызвалены ў жніўні 2024 года, цалкам адбыўшы тэрмін пакарання, прызначаны судом.

Вадзіма затрымалі і асудзілі па артыкуле "хуліганства" пасля інцыдэнту ў скверы, дзе ён развешваў белыя стужкі. Прадстаўніца руху "Антывандал-Гродна" Вольга Бондарава пачала здымаць яго на тэлефон і пераследаваць, што справакавала канфлікт.

Вызвалены 17 студзеня 2022 года, поўнасцю адбыўшы тэрмін пакарання, прызначаны судом.

Праз 10 дзён пасля вызвалення Вольга Бондарава праз суд спагнала з Вадзіма кампенсацыю маральнай шкоды.

Уладзімір быў асуджаны за пакінутыя ў Telegram-канале каментарыі на адрас Лукашэнкі і экс-міністра ўнутраных спраў Юрыя Караева.

Вызвалены ў сакавіку 2022 года, поўнасцю адбыўшы тэрмін пакарання, прызначаны судом.

Упершыню Юры быў асуджаны за тое, што, паводле абвінавачання, у верасні 2020 года, праходзячы з сябрамі каля гатэля «Маладзёжная», падчас размовы тузануў дзяржаўны сцяг, які ў выніку ўпаў.

У лістападзе 2021 года яму замянілі рэжым адбывання пакарання і адправілі ў калонію.

У студзені 2022 года ён быў вызвалены, поўнасцю адбыўшы прызначаны судом тэрмін пакарання.

15 лютага 2022 года Юры быў зноў затрыманы ў межах крымінальнай справы, узбуджанай па артыкуле «садзейнічанне экстрэмісцкай дзейнасці». Ён атрымаў адміністратыўны арышт, падчас якога да яго прыходзілі супрацоўнікі КДБ. У выніку збіцця ў яго былі падазрэнні на зламаныя рэбры. Крымінальная справа не была спынена.

У траўні 2022 года яго зноў затрымалі ў Расіі з-за аб'яўлення ў вышук, а ў кастрычніку таго ж года экстрадзіравалі ў Беларусь, хаця фармальна справа аб выдачы была спынена 26 верасня 2022 года.

У студзені 2023 года Юры быў паўторна асуджаны за тое, што дапамагаў іншым палітвязням атрымліваць дапамогу ад фондаў. На судзе ён віну не прызнаў і адмовіўся даваць паказанні.

У таўніі 2024 года яму ўзмацнілі жорсткасць пакарання і перавялі на турэмны рэжым да канца тэрміну.

Віктар быў затрыманы 18 кастрычніка 2020 года пасля пратэстнага "Партызанскага маршу". Убачыўшы сілавікоў, ён паспрабаваў уцячы, але быў збіты з ног і ўпаў разам з байцом АМАПа, які атрымаў пералом. Віктара жорстка збілі і шпіталізавалі. На судзе ён заявіў аб катаваннях, але быў асуджаны за нібыта падстаўленую падножку амапаўцу, віну не прызнаўшы.

Улетку 2021 года яго асудзілі паўторна па артыкуле аб «злосным непадпарадкаванні патрабаванням адміністрацыі папраўчай установы». Гэты артыкул прымяняецца да зняволеных, якія адмаўляюцца супрацоўнічаць з адміністрацыяй і за выдуманыя парушэнні. У выніку ягоны агульны тэрмін пазбаўлення волі склаў 7 гадоў.

У снежні 2023 года Віктару ўзмацнілі жорсткасць умоваў утрымання і перавялі на турэмны рэжым.

У снежні 2025 года выйшаў на волю, цалкам адбыўшы тэрмін пакарання.

Аляксандр быў затрыманы і асуджаны за ўдзел у пратэстах, якія праходзілі ў Мінску 9-10 жніўня 2020 года, супраць вынікаў прэзідэнцкіх выбараў. Яму ставілі ў віну блакаванне дарог, узвядзенне барыкад і тое, што ён нібыта «кідаў расліны з кветнікаў у супрацоўнікаў органаў унутраных спраў».

У сярэдзіне красавіка 2022 года стала вядома, што Аляксандру ўзмацнілі жорсткасць пакарання, перавёўшы яго на турэмны рэжым тэрмінам на два гады.

Вызвалены ў жніўні 2024 года, поўнасцю адбыўшы тэрмін пакарання, прызначаны судом

Ігар, работнік БМЗ, быў затрыманы і асуджаны за арганізацыю забастоўкі на прадпрыемстве, якая праходзіла 17 жніўня 2020 года ў Жлобіне.

У сярэдзіне снежня 2021 года стала вядома, што палітвязню ўзмацнілі жорсткасць умоваў утрымання, перавёўшы яго на турэмны рэжым тэрмінам на адзін год.

Вызвалены восенню 2023 года, поўнасцю адбыўшы тэрмін пакарання, прызначаны судом.

Аляксандр быў затрыманы за адпраўленае SMS камандзіру аддзялення ЦІП на Акрэсціна Яўгену Урублеўскаму і асуджаны па артыкуле "Пагроза прымянення насілля ў дачыненні да супрацоўніка органаў унутраных спраў".

Вызвалены ў кастрычніку 2023 года, поўнасцю адбыўшы тэрмін пакарання, прызначаны судом.

Сяргей быў затрыманы і асуджаны за ўдзел і супраціўленне падчас акцыі пратэсту, якая праходзіла ў жніўні 2020 года ў Гродне.

У лістападзе 2021 года яму ўзмацнілі жорсткасць пакарання і перавялі на турэмны рэжым.

Па падліках праваабаронцаў, ён быў вызвалены ў канцы вясны 2024 года, поўнасцю адбыўшы тэрмін пакарання, прызначаны судом.