Аляксандр Фаміч Шэга

Алісе ставяць у віну адно тэлеграм-паведамленне, напісанае ўвечары 28 лютага 2022 года (на 4-ы дзень поўнамаштабнай вайны Расіі супраць Украіны).

Каментарый быў напісаны ў тэлеграм-чаце «Беларускі Гаюн Chat» (чат, звязаны з каналам "Беларускі Гаюн", у якім адсочвалася перамяшчэнне расійскіх войскаў па тэрыторыі Беларусі). У тэксце ўтрымліваецца слова «пацукі», і дзяржабвінавачанне трактуе гэта як тое, што адносіцца да Лукашэнкі. Акрамя таго, на судзе пракурор указваў, што дадзенае слова з'яўляецца ненарматыўным.

Па падліках праваабаронцаў была вызвалена 18.08.2023 цалкам адбыўшы тэрмін пакарання, прызначаны судом.

Наталлю абвінавацілі ў тым , што яна зрабіла рэпост на сваёй старонцы публікацыі з асабістымі дадзенымі супрацоўніка органаў унутраных спраў. Таксама жанчына апублікавала фатаграфію сілавіка з уласным каментаром аб учыненых ім злачынствах. Суд вырашыў, што інфармацыя ў каментары "свядома ілжывая" і дыскрэдытуе супрацоўніка ў вачах грамадства.

Па падліках праваабаронцаў вызвалена цалкам адбыўшы тэрмін пакарання, прызначаны судом.

Дзяніс абвінавачваецца ў тым, што ўдзельнічаў у акцыях пратэсту ў Менску, а таксама за распаўсюд экстрэмісскіх матэрыялаў і абразу Лукашэнкі.

Пасля суда стала вядома, што на Дзяніса завялі яшчэ адну справу за ўдзел у акцыях пратэсту ў 2020 годзе.

У траўні 2023 г. стала вядома, што на Дзяніса завялі новую крымінальную справу па арт. 342 ч. 1 і перавялі ў СІЗА-1. 17.11.2023 адбылося апеляцыйнае паседжанне суда і другі прысуд уступіў у сілу.

Паводле матэрыялаў крымінальнай справы, Аляксей Міхнюк з неўстаноўленай прылады ў экстрэмісцкіх чатах у Telegram неаднаразова размяшчаў паведамленні, якія супярэчаць агульначалавечай маралі, і пры гэтым змяшчаюць выказванні, выяўленыя ў непрыстойнай форме, што прыніжаюць гонар і годнасць Аляксандра Лукашэнкі. Таксама абвінавачаны размяшчаў абразы ў адрас прэс-сакратара кіраўніка адміністрацыі прэзідэнта Наталлі Эйсмант.

Падчас судовага працэсу Міхнюк сваю віну ў зробленым прызнаў і раскаяўся.

Па падліках праваабаронцаў вызвалены вясной 2024 года , цалкам адбыўшы тэрмін пакарання, прызначаны судом.

Сяргея Мацюхевіча да пачатку суда абвінавачвалі па двух артыкулах Крымінальнага кодэкса за паведамленні ў Інтэрнеце. Аднак па артыкуле 369 КК суддзя вызваліла мужчыну ад пакарання: выйшлі тэрміны даўніны. А вось па ч.1 арт.130 КК Сяргея прызналі вінаватым.

Як паведаміў пракурор у роліку дзяржСМІ, Мацюхевіча абвінавачвалі ў тым, што 15 ліпеня 2020 года пры дапамозе тэлефона і Інтэрнэту ён заахвочваў грамадзян да прымянення гвалту ў дачыненні да сілавікоў.

13.01.2023 адбыўся разгляд апеляцыйнай скаргі, прысуд уступіў у сілу.

У Сяргея ёсць два маленькія сыны. Малодшы нарадзіўся, калі Сяргей быў у зняволенні ў чаканні суда.

Пра Антона вядома, што яму 29 гадоў, захапляецца футболам і, мяркуючы па ягоных сацыяльных сетках, хварэе за англійскі клуб «Ліверпуль». І мужчына не проста футбольны заўзятар - на яго старонцы ва «Вконтакте» можна знайсці фота, дзе Антон сам гуляе на полі. А ў архіўных дадзеных аб матчах можна выявіць, што як мінімум з 2015 па 2019 год ён гуляў за брэсцкі аматарскі клуб "Змена".

На судзе ж гаворка ішла пра інтэрнэт-актыўнасць Антона. Паводле абвінавачання , мужчына выклаў у «сторыс» відэа з Аляксандрам Лукашэнкам, і суправадзіў яго абразлівым надпісам з аднаго слова. Вызвалены па падліках праваабаронцаў.

У верасні вызвалены цалкам адбыўшы тэрмін пакарання, прызначаны судом.

Паводле абвінавачання, Аляксей размясціў каментар у тэлеграм-чаце да канала «NEXTA Live» наконт перастрэлкі Зэльцэра і супрацоўнікаў КДБ: «Дык гэтым стварэнням рэжымным і трэба. Хлопца шкада».

23.02.2024 вызвалены поўнасцю адбыўшы тэрмін пакарання, прызначаны судом.

Жонка асуджанага блогера Ігара Лосіка.

Сілавікі прыйшлі дадому да Лосікаў а 8-й раніцы, сама Дар'я з двухгадовай дачкой Паўлінай яшчэ спала.

Па паведамленнях праўладных тэлеграм-каналаў, Дар'ю абвінавачваюць у садзейнічанні экстрэмісцкай дзейнасці ў выглядзе размовы з тэлеканалам «Белсат» вясной 2022 года, нягледзячы на тое, што тэлеканал яшчэ ў лістападзе 2021-га быў прызнаны "экстрэмісцкім фарміраваннем". Такое інтэрв'ю, на думку аўтараў паста, можа прывесці да крымінальнай адказнасці па арт. 361−4 КК аб «садзейнічанні экстрэмісцкай дзейнасці».

Эдгара затрымалі па крымінальнай справе, узбуджанай за каментары ў сацсетцы "УКантакце" пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра.

Эдгар Шырко ў мінулым працаваў бібліятэкарам, журналістам у выданні Intex-Press, выкладаў гісторыю і грамадазнаўства ў школе.

13.01.2023 адбыўся разгляд апеляцыйнай скаргі, прысуд уступіў у сілу.

Па падліках праваабаронцаў вызвалены ў ферале 2024 года, цалкам адбыўшы пакаранне, прызначанае судом.

Журналіст і тэлевядучы, які раней займаў пасаду ў частцы «прэзідэнцкага пула» тэлеканала ОНТ.

У жніўні 2020 года ў знак пратэсту супраць жорсткіх разгонаў мірных акцый Семчанка звольніўся. Змітра разам з жонкай затрымалі 15 верасня ў Мінску. Юлію пазней адпусцілі, а Змітра пакінулі за кратамі да суда. Праз дзень мужчыну арыштавалі на 15 сутак. Але пасля 15 сутак Зміцер на волю не выйшаў і быў асуджаны яшчэ на 13 сутак арышту па артыкуле 19.11 КаАП за распаўсюд «экстрэмісцкіх матэрыялаў» у ягоных сацыяльных сетках. Калі Зміцер Семчанка 13 кастрычніка 2022 года не выйшаў на волю, стала вядома, што на яго завялі крымінальную справу .

Па падліках праваабаронцаў выйшаў на волю ў ліпені 2025 года, цалкам адбыўшы тэрмін пакарання.

У жніўні 2022 года Сяргею прысудзілі 15 сутак арышту за рэпост з "экстрэмісцкага" тэлеграм-канала.

Але пасля адміністратыўнага арышту Сяргей не выйшаў з ІЧУ: яму прад'явілі крымінальны артыкул 130. <Как стала вядома , справа ўжо ішла да суда, былі праведзены судовыя экспертызы — але нечакана мужчыну прад'явілі абвінавачанні яшчэ па адным крымінальным артыкуле. На гэты раз па ч. 3 арт.361 КК РБ.

Па версіі абвінавачання, Калпак размясціў у верасні 2020 года ў адкрытым доступе ў Telegram-чаце "негатыўныя каментарыі ў адрас супрацоўнікаў АУС, дзяржаўных служачых, прадстаўнікоў улады, у якіх заахвочваў і заклікаў да гвалту ў дачыненні да прадстаўнікоў названых сацыяльных груп". Таксама мужчыну абвінавацілі ў тым, што ён з 8 жніўня па 28 верасня 2020 года ў Мінску з выкарыстаннем публікацый у Telegram-чаце, у якім складалася больш за 8,5 тысячы чалавек, "неаднаразова размяшчаў тэкставыя артыкулы, у якіх ён заклікаў вадзіцеляў ствараць заторы на дарогах, сабатаваць выхад на працу і пратэставаць".

Па падліках праваабаронцаў выйшаў на волю восенню 2025 года.

Іллю прызналі вінаватым за спальванне пудзіла Лукашэнкі і за ўдзел у Маршы.

Па падліках праваабаронцаў , выйшаў на волю ў кастрычніку 2024 г., цалкам адбыўшы тэрмін пакарання, прызначаны судом.

Музыкант.

Праўладныя тэлеграм-каналы паведамляюць, што 32-гадовы мужчына нібыта абразіў у каментарах Лукашэнку (каментар складаецца толькі з аднаго слова «трэпла», напісаны пад навіной з цытатай Лукашэнкі пра тое, што «супраць нас сёння працуюць спецслужбы з велізарным досведам») .

Другі пункт абвінавачвання таксама тычыцца інтэрнэт-актыўнасці Сяргея. Паводле абвінавачання, не пазней 14:39 27 лютага 2022, мужчына адправіў у телеграм-бот «Рэдакцыя NEXTA» фатаграфію бюлетэня з двума птушачкамі. Такім чынам, лічыць абвінавачванне, Сяргей здзейсніў злачынства па ч. 1 арт. 361-4 КК РБ (Садзейнічанне экстрэмісцкай дзейнасці).

Фігурантка крымінальнай справы, распачатай пасля забойства супрацоўніка КДБ Федасюка і it-спецыяліста Андрэя Зельцэра. Да затрымання яна працавала ў БелТА на кіруючай пасадзе.

Вызвалена ў другой палове красавіка 2024 г. поўнасцю адбыўшы тэрмін пакарання, прызначаны судом.