Яўген Іларыёнавіч Буруноў

Яўген Іларыёнавіч Буруноў

Яўген Іларыёнавіч Буруноў датычны да палітычна матываваных рэпрэсій у Рэспубліцы Беларусь. Буруноў нясе адказнасць за тое, што ў якасці суддзі абласнога Віцебскага суда выносіць палітычна матываваныя прысуды ў дачыненні да прадстаўнікоў грамадзянскай супольнасці. У судовай практыцы Буруноў разглядае не толькі адміністрацыйныя справы, але і крымінальныя. У выніку ягоных рашэнняў на розныя тэрміны турэмнага зняволення былі асуджаныя беларусы выступоўцы супраць дзейнага ў краіне рэжыму. У прыватнасці Буруноў вынес прыгавор хірургу-трансплантолага Аляксею Аляксейчыку з пакараннем у выглядзе пазбаўлення волі тэрмінам на два з паловай гады ва ўмовах агульнага рэжыму за заклікі да мер абмежавальнага характару (санкцый) або іншых дзеянняў, накіраваных на прычыненне шкоды нацыянальнай бяспецы Рэспублікі Беларусь (частка 3 артыкула 3). Аляксей Аляксейчык больш за 20 гадоў прапрацаваў урачом-трансплантолагам у Рэспубліканскім навукова-практычным цэнтры дзіцячай анкалогіі і гематалогіі. Ён правёў мноства аперацый па перасадцы касцявога мозга і лічыцца адным з найлепшых спецыялістаў цэнтра. Таксама вынес прысуд 53-гадоваму жыхару Докшыцаў, Сяргею Грыбовічу, за намер паехаць ваяваць ва Украіну супраць расейскіх войскаў і прызначыў яму пакаранне ў выглядзе 4-х гадоў і 6 месяцаў пазбаўлення волі ў калоніі ва ўмовах агульнага рэжыму. У 2023-м годзе прыгаварыў сям'ю палітвязняў Вячаслава Лазарава і Таццяны Пыцько за супрацоўніцтва з каналам Белсат да пяці з паловай і трох гадоў зняволення адпаведна. Такім чынам, Буруноў Яўген Іларыёнавіч нясе адказнасць за парушэнні правоў чалавека і падрыў прынцыпаў вяршэнства закона, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Ягоная праца ў рамках судовай сістэмы сфакусаваная на падтрыманні пазіцый існуючай улады, а не на выкананні закона. Дзеянні Бурунова садзейнічаюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна матываваных рэпрэсій у Рэспубліцы Беларусь.