Ігар Рыгоравіч Кенюх

Таццяна, беларуская праваабаронца і кіраўніца Грамадскага аб’яднання «Звяно», якая мела дачыненне да выставы «Машына дыхае, а я — не», прысвечанай беларускім медыкам і выклікам, з якімі яны сутыкнуліся (пандэмія COVID-19 і палітызацыя сістэмы аховы здароўя), была затрыманая 5 красавіка 2021 года па абвінавачванні ў «фінансаванні беспарадкаў і арганізацыі масавых дзеянняў, што груба парушаюць грамадскі парадак».

Вызвалена 15 красавіка 2021 года без прад'яўлення абвінавачанняў.

Даніла, мастак па свеце, звольнены з Новага драматычнага тэатра за страйк, быў затрыманы ў сакавіку 2021 года за "адзінкавае пікетаванне" і атрымаў адміністрацыйны арышт. Праз 10 дзён супраць яго распачалі крымінальную справу, а пазней асудзілі за "ўдзел у групавых дзеяннях, якія груба парушаюць грамадскі парадак".

Вызвалены ў снежні 2022 года, цалкам адбыўшы тэрмін пакарання, прызначаны судом.

Актывістка і валанцёрка Вольга была затрымана ў сакавіку 2021 года. У момант затрымання да яе прымяняўся фізічны гвалт. Яна была асуджаная за ўдзел у акцыях пратэсту, якія праходзілі ў Менску ў 2020 годзе супраць гвалту і вынікаў прэзідэнцкіх выбараў, а таксама па артыкуле аб «стварэнні экстрэмісцкага фармавання ці ўдзеле ў ім».

Вольга была назіральніцай на выбарах, валантэрыла каля менскага ізалятара ў завулку Акрэсціна, а пазней — у судах. Яе некалькі разоў затрымлівалі падчас вулічных пратэстаў і штрафавалі на значныя сумы.

У верасні 2024 года Вольга была вызвалена, поўнасцю адбыўшы прызначаны судом тэрмін пакарання.

Руслан - беларускі блогер, які з 2020 года ствараў відэа на грамадскія і палітычныя тэмы. Да лютага 2021 года ягоны канал налічваў больш за 90 тысяч падпісчыкаў. 20 лютага 2021 года яго затрымалі і пазней асудзілі за "абразу прадстаўніка ўлады".

Стала вядома , што Руслана не вызвалілі з калоніі па заканчэнні тэрміну зняволення, а перавялі ў СІЗА ў Калядзічах. Прычыны новага абвінавачання пакуль невядомыя.

Выйшаў на волю ў чэрвені 2025 г., цалкам адбыўшы тэрмін.

Мікіта, байкер, быў затрыманы і асуджаны ў рамках крымінальнай справы, распачатай пасля інцыдэнту 19 верасня 2020 года каля ГЦ "Еўропа" ў Мінску. Тады невядомыя паспрабавалі затрымаць аднаго з матацыклістаў, а астатнія заступіліся за яго.

У чэрвені 2023 года ён быў вызвалены, поўнасцю адбыўшы прызначаны судом тэрмін пакарання.

Лявон, валанцёр штаба Віктара Бабарыка, быў затрыманы 11 жніўня 2020 года каля свайго дома па абвінавачанні ва ўдзеле ў акцыі пратэсту супраць вынікаў прэзідэнцкіх выбараў, якія адбыліся 9 жніўня 2020 года ў Мінску. Пазней ён быў асуджаны за "ўдзел у групавых дзеяннях, якія груба парушаюць грамадскі парадак".

Вызвалены ў траўні 2022 года, поўнасцю адбыўшы тэрмін пакарання, прызначаны судом.

Дар'я, журналістка тэлеканала "Белсат", вяла прамы рэпартаж з двара "Плошчы перамен", дзе сабраліся мірныя пратэстоўцы на акцыю пратэсту, якая прайшла ў Мінску 15 лістапада 2020 года пад лозунгам "Я выходжу". Гэта былі апошнія словы забітага сілавікамі Рамана Бандарэнкі, і прысутныя прыйшлі ўшанаваць яго памяць. Дар'я была затрыманая разам са сваёй калегай Кацярынай Бахвалавай падчас жорсткага разгону акцыі і пазней асуджаная за "ўдзел у групавых дзеяннях, якія груба парушаюць грамадскі парадак".

Вызвалена ў верасні 2022 года, поўнасцю адбыўшы тэрмін пакарання, прызначаны судом.

Ігар быў затрыманы 4 кастрычніка 2020 года на акцыі пратэсту "Марш вызвалення палітвязняў" і арыштаваны на 13 сутак, але пасля гэтага так і не выйшаў. Пазней ён быў асуджаны ў межах крымінальнай справы за "ўдзел у групавых дзеяннях, якія груба парушаюць грамадскі парадак".

Вызвалены ў студзені 2022 года, поўнасцю адбыўшы тэрмін пакарання, прызначаны судом.