Ігар Рыгоравіч Кенюх

Кіроўца таксі. Паводле праўладных тэлеграм-каналаў затрыманы за каментары ў сацсетках. На "пакаяным відэа" беларус расказвае, што ў 2020-м годзе ўдзельнічаў у пратэстах, а з 2020-га да сярэдзіны 2023-га года ў чатах пакінуў больш за 2000 «абразлівых каментароў» на адрас Лукашэнкі, працаўнікоў пракуратуры і міліцыянтаў. Пры затрыманні Сяргею зламалі руку. Яго са зламанай рукой трымалі 35 дзён у карцэры на Акрэсціна. Начальнік ІЧУ выказваў прадузятыя адносіны канкрэтна да яго, праз "каментатарскі" артыкул.

2 жніўня 2024 года будзе разгледжана апеляцыя на прыгавор.

Адзін з найбольш вядомых беларускамоўных блогераў у «нулявыя» і былы актывіст. Затрыманы за ўдзел у акцыях пратэсту 2020 года.

Іван быў затрыманы 5 студзеня 2023 года, атрымаў 13 сутак адміністратыўнага арышту і 18 студзеня было выстаўлена крымінальнае абвінавачанне.

17.04.2024 вызвалены, поўнасцю адбыўшы тэрмін пакарання, прызначаны судом.

У чэрвені 2025 года стала вядома, што Івана зноў затрымалі, на гэты раз за каментар па арт. 368 КК РБ.

Наста Лойка - вядомая беларуская праваабаронца. Наста падвяргалася пераследу за сваю праваабарончую дзейнасць, са жніўня 2021 года яна з'яўлялася падазраванай у крымінальнай справе, звязанай з дзейнасцю праваабарончай арганізацыі "Вясна".

6 верасня 2022 года пасля наведвання судовага паседжання па справе «Рэвалюцыйнага дзеяння», Наста была двойчы асуджаная за «дробнае хуліганства» і правяла 30 сутак у зняволенні. Праз 3 тыдні пасля вызвалення, 28/10. 2022, Наста была затрымана зноў. На судзе Наста заявіла аб катаваннях (супрацоўнікі ГУБАЗіК ударылі яе электрашокерам і як супрацоўнікі ЦІПа пакідалі на 8 гадзін без верхняй вопраткі на холадзе, з-за чаго яна захварэла). У зняволенні на Акрэсціна Наста знаходзілася без цёплых рэчаў і сродкаў асабістай гігіены.

28.11.2022 стала вядома, што Насту асудзілі зноўку на 15 сутак па арт. 19.1 "дробнае хуліганства". Пяты раз за восень.

У сярэдзіне снежня яе перазатрымалі шосты раз па тым жа артыкуле, а ў канцы месяца прад'явілі абвінавачанні па крымінальных артыкулах і перавялі ў СІЗА-1. Па версіі абвінавачання, у адным з яе праваабарончых дакладаў аб пераследзе анархісцкай супольнасці ў Беларусі за 2018 год змяшчаецца негатыўная ацэнка незаконных дзеянняў супрацоўнікаў міліцыі, якая стала падставай для ўзбуджэння супраць яе крымінальнай справы. Група, супраць якой нібыта распальвалася іншая сацыяльная варожасць, з'яўляецца прафесійнай сацыяльнай групай супрацоўнікаў праваахоўных органаў. Як адзначаюць праваабаронцы, такое тлумачэнне артыкула не адпавядае міжнародным стандартам у галіне правоў чалавека, пра што сведчыць практыка міжнародных судовых органаў.

Амаль на пачатку судовага паседжаньня працэс зрабілі закрытым.

03.10.2023 адбыўся разгляд апеляцыйнай скаргі.

У ліпені 2025 года стала вядома, што Насту Лойку на 6 месяцаў змясцілі ПКТ (памяшканне камернага тыпу).

Вілейскі актывіст. З 9 жніўня 2021 года яго ўтрымлівалі на "сутках" у ізалятарах Смалявіч і Вілейкі. 20.10.2021 стала вядома , што ён змешчаны ў ІЧУ на Акрэсціна і супраць яго ўзбуджана крымінальная справа.

18.07.2023 года вызвалены поўнасцю адбыўшы тэрмін пакарання, прызначаны судом.

15 лютага 2024 г. актывіст перастаў выходзіць на сувязь. Пазней стала вядома , што Кудзік знаходзіцца ў мясцовым ІЧУ, дзе адбывае 15 сутак адміністрацыйнага арышту. Але на волю па сканчэнні тэрміна ён не выйшаў - яго затрымалі ў рамках крымінальнай справы.

Павел быў затрыманы 29 верасня 2021 года ў межах крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Летам 2022 года яго асудзілі і прыгаварылі да пазбаўлення волі ў калоніі і буйнога штрафу.

Па падліках праваабаронцаў, ён быў вызвалены летам 2023 года, цалкам адбыўшы прызначаны судом тэрмін пакарання.

У лютым 2024 года ў дачыненні да Паўла адбылося судовае разбіральніцтва па абвінавачанні ў «распаўсюдзе экстрэмісцкіх матэрыялаў». Доўгі час ён не выходзіў на сувязь, а пасля суда стала вядома, што на яго пачалі новую крымінальную справу.

Паўторна Паўла асудзілі ў чэрвені 2024 года па абвінавачанні ў «паклёпе на Лукашэнку» і зноў прысудзілі да пазбаўлення волі.

Зміцер, былы дырэктар інфармацыйнага агенцтва «БелаПАН», быў затрыманы 18 жніўня 2021 года пасля ператрусу і допыту ў Следчым камітэце. Першапачаткова яго змясцілі пад варту на 72 гадзіны ў межах крымінальнай справы па артыкуле «арганізацыя або падрыхтоўка дзеянняў, якія груба парушаюць грамадскі парадак, альбо ўдзел у іх», аднак на волю ён не выйшаў і праз 10 сутак быў пераведзены ў СІЗА. Пазней абвінавачанне было зменена на ўхіленне ад выплаты падаткаў.

У лістападзе 2021 года стала вядома, што Змітру таксама прад'явілі абвінавачанне ў «стварэнні экстрэмісцкага фарміравання». У кастрычніку 2022 года яго прызналі вінаватым па артыкулах «удзел у экстрэмісцкім фарміраванні» і «ўхіленне ад выплаты падаткаў і збораў», прыгаварылі да пазбаўлення волі, прызначылі буйны штраф і забаранілі займаць пэўныя пасады тэрмінам на пяць гадоў.

Аляксей быў затрыманы 1 ліпеня 2021 года ў Менску супрацоўнікамі ГУБАЗіКу. На наступны дзень суд прызначыў яму 15 сутак адміністрацыйнага арышту, аднак замест вызвалення яго перавялі ў СІЗА — ён стаў фігурантам крымінальнай справы аб групавых дзеяннях, якія груба парушаюць грамадскі парадак.

Справа разглядалася па чатырох артыкулах КК: "арганізацыя масавых беспарадкаў", "стварэнне экстрэмісцкага фарміравання", "распальванне сацыяльнай варожасці" і "абраза прадстаўніка ўлады". Суд праходзіў у закрытым рэжыме, дэталі абвінавачанняў невядомыя.

У красавіку 2022 года суд прыгаварыў Аляксея да 11 гадоў пазбаўлення волі. Пасля суда ў праўладных каналах было апублікавана відэа, дзе сцвярджалася, што Аляксей быў адміністратарам тэлеграм-чата "Каскад". Раней пра яго таксама здымалі відэа на TUT.BY.

У ліпені 2023 года стала вядома, што ён знаходзіцца ў СІЗА, і 11 жніўня 2023 года яго зноў прызналі вінаватым па новай справе аб "стварэнні экстрэмісцкага фарміравання", дадаўшы да тэрміна яшчэ 6 месяцаў.

Ігар — журналіст "Белсат", раней працаваў у газеце «Беларусы і рынак» і ў беларускай службе "Радыё Свабода", публікаваўся ў расійскіх і ўкраінскіх выданнях. Разам з жонкай, журналісткай Кацярынай Андрэевай, ён напісаў кнігу "Беларускі Данбас" — даследаванне аб ролі беларусаў у вайне на ўсходзе Украіны.

Упершыню яго затрымалі 16 ліпеня 2021 года падчас масавых ператрусаў у незалежных журналістаў па справе аб "арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх". У кватэры журналіста правялі ператрус, канфіскавалі тэхніку і кнігі, пасля чаго яго змясцілі ў ІЧУ. На волю ён выйшаў 26 ліпеня.

У кастрычніку 2024 года стала вядома аб яго паўторным затрыманні. Праўладныя тэлеграм-каналы апублікавалі фота Ігара ў кайданках і відэа, дзе ён заявіў, што яго пераследуюць за інтэрв'ю медыя, прызнаным у Беларусі «экстрэмісцкімі». Незадоўга да арышту ў каментары тэлеканалу "Дождж" ён адзначыў, што "Пуцін узяў курс на рэзкую эскалацыю і вядзе краіну да татальнай вайны", а Лукашэнка, на яго думку, "верагодней за ўсё, не хоча наўпрост удзельнічаць у ёй, але вымушаны сутыкацца з узмацненнем ціску Крамля".

У лютым 2025 года Ігару прад'явілі абвінавачанні ў "дыскрэдытацыі Беларусі" і "садзейнічанні экстрэмісцкай дзейнасці". Судовы працэс пачаўся 21 лютага ў Менску. Хадайніцтва аб незалежнай экспертызе суд адхіліў, а 5 верасня таго ж года журналіста прызналі вінаватым і прыгаварылі да пазбаўлення волі ў калоніі.

Таццяна — сузаснавальніца школы маладых менеджэраў публічнага адміністравання Sympa, экспертка даследчага праекта Bipart, магістар паліталогіі.

Яна была затрымана ў Мінску ноччу з 28 на 29 чэрвеня 2021 года ў аэрапорце пры праходжанні пашпартнага кантролю на выезд з краіны. Вядома, што Таццяна збіралася ляцець начным рэйсам у Тбілісі. Пазней стала вядома, што яна была затрыманая ў сувязі з узбуджанай крымінальнай справай. Таццяну даставілі ў ІЧУ на Акрэсціна, а праз некалькі дзён перавялі ў СІЗА.

6 лютага 2023 года ў судзе пачалі разглядаць яе справу па абвінавачанні ў «дапамозе дзеянням, накіраваным на захоп улады», «заклікам да дзеянняў, якія наносяць шкоду нацыянальнай бяспецы» і «распальванні сацыяльнай варожасці». 17 сакавіка таго ж года суд у закрытым рэжыме прыгаварыў Таццяну да 10 гадоў пазбаўлення волі ў калоніі агульнага рэжыму.

Валянцін, сябра Рады “Вясны” і віцэ-прэзідэнт Міжнароднай федэрацыі за правы чалавека (FIDH), з'яўляецца адным з найбольш вядомых экспертаў і аналітыкаў у сферы правоў чалавека. Ён актыўна выступае за недыскрымінацыю і супраць смяротнага пакарання, удзельнічаў у міжнародных канферэнцыях, праваабарончых місіях і назіраннях за выбарамі ў краінах АБСЕ.

14 ліпеня 2021 года пасля ператрусу ў кватэры яго павезлі на допыт, пасля чаго пакінулі пад арыштам у межах крымінальнай справы па артыкулах "нявыплата падаткаў" і "арганізацыя дзеянняў, якія груба парушаюць грамадскі парадак".

У верасні 2022 года справа па артыкуле аб нявыплаце падаткаў была спынена, аднак супраць Валянціна вылучылі новыя абвінавачанні — у кантрабандзе і фінансаванні групавых дзеянняў, якія груба парушаюць грамадскі парадак.

27 кастрычніка 2022 года, падчас 41-га Кангрэса Міжнароднай федэрацыі за правы чалавека (FIDH), Валянцін Стэфановіч быў пераабраны віцэ-прэзідэнтам арганізацыі.

У сакавіку 2023 года ён быў асуджаны і прыгавораны да пазбаўлення волі, а таксама да выплаты буйной кампенсацыі. У судзе Валянцін сваёй віны не прызнаў.

Паводле наяўнай інфармацыі, умовы ўтрымання былі ўцяжараныя, і яго перавялі на турэмны рэжым.

Антон, валанцёр фонду "Краіна для жыцця" і пошукавага атрада "Анёл", быў затрыманы 9 ліпеня 2021 года ў рамках "аперацыі КДБ па зачыстцы ад радыкальна настроеных асоб" і змешчаны ў СІЗА па абвінавачанні ў фінансаванні дзейнасці экстрэмісцкага фарміравання.

У кастрычніку 2022 года яму прад'явілі абвінавачанне ў "змове з мэтай захопу дзяржаўнай улады неканстытуцыйным шляхам", а ў лістападзе таго ж года Антон быў прыгавораны да пазбаўлення волі ў калоніі строгага рэжыму.

Валерыя — паліталогія, заснавальніца і рэдактарка сайта экспертнай супольнасці "Наша думка", аўтарка і рэдактарка "Беларускага штогодніка", кіраўніца групы экспертаў па маніторынгу "Беларусь у фокусе".

30 чэрвеня 2021 года пасля ператрусу ў яе доме, праведзенага супрацоўнікамі КДБ, Валерыю затрымалі і змясцілі ў ізалятар, пазней перавёўшы ў СІЗА.

6 лютага 2023 года ў судзе пачалі разглядаць яе справу па абвінавачанні ў "дапамозе дзеянням, накіраваным на захоп улады", "заклікам да дзеянняў, якія наносяць шкоду нацыянальнай бяспецы" і "распальванні сацыяльнай варожасці". 17 сакавіка 2023 года суд у закрытым рэжыме прыгаварыў Валерыю да 10 гадоў пазбаўлення волі ў калоніі агульнага рэжыму.