Андрэй, блогер і афіцыйны дыджэй беларускага панк-рок гурта "Дай Дарогу!", быў асуджаны за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.
Андрэй паспеў пакінуць краіну да таго, як прыгавор уступіў у сілу.
У студзені 2025 года ў рамках спецвытворчасці па справе Андрэя адбылося завочнае судовае паседжанне аб замене абмежавання волі з накіраваннем на пазбаўленне волі ў калоніі. Вынік паседжання невядомы.
