Таццяна Віктараўна Лаўранюк

Колькасць рэпрэсаваных:

24

Адміністрацыйных спраў:

38

Дзень нараджэння:

19 верасня 1988

Суддзя Маскоўскага раёна горада Брэста. Саўдзельніца злачынстваў супраць правоў і свабод грамадзян Беларусі. Лаўранюк Таццяна Віктараўна падтрымлівае рэжым Лукашэнкі і палітычна матываваныя рэпрэсіі. Датычная да вынясення абвінаваўчых прысудаў па палітычна матываваных справах. Вынесла прыгавор у дачыненні да Аляксандра Труша па частцы 1 артыкула 368 Крымінальнага кодэкса і прызначыла мужчыну ў выглядзе пакарання паўтара года пазбаўлення волі з адбываннем у калоніі ва ўмовах агульнага рэжыму. Аляксандра Труша абвінавацілі ў тым, што ён у прысутнасці іншых людзей заявіў, што Аляксандр Лукашэнка - здраднік і фашыст. Размова адбылася са знаёмымі каля пад'езда. Да кампаніі падышла жыхарка дома і запатрабавала замаўчаць. Потым жанчына патэлефанавала ў міліцыю і данесла на Аляксандра. У двары з'явіліся міліцыянеры і затрымалі мужчыну. На словы затрыманага, што ён не мог такога сказаць, міліцыянты прыстрашылі, што пасадзяць яго ў ізалятар, а самі знойдуць патрэбных сведкаў. Вынесла прысуд у дачыненні да Ірыны Прыгавой, якую абвінавацілі па частцы 1 і частцы 2 артыкула 368 Крымінальнага кодэкса, часткі 1 артыкула 339 Крымінальнага кодэкса і артыкуле 341 Крымінальнага кодэкса за пратэстныя і антываенныя надпісы, бел-чырвона-белыя і жоўта-блакітныя стужачкі. Лаўранюк прызначыла жанчыне пакаранне ў выглядзе паўтара года пазбаўлення волі, а таксама пастанавіла выплаціць штраф у памеры 398 рублёў 20 капеек за судовыя экспертызы.