Затрыманы па "справе радыёклуба". Яго абвінавачваюць у "здрады дзяржаве" (арт. 356 КК) і "шпіянажы" (арт. 358 КК). Сюжэт пра «радыёаматараў-шпіёнаў» выйшаў на праўладным СМІ 15 студзеня 2026 года. У ім расказвалася, што нібыта пад выглядам суполак радыёаматараў дзейнічала структура для перахопу сакрэтнай інфармацыі.
Андрэю каля 59 гадоў (на студзень 2026 года). Пасля школы служыў у вайсковай часці №14356 па рамонце радыёлакацыйнай і артылерыйскай зброі. Андрэй раней быў актыўны на розных форумах радыёаматараў. Вядома, што даволі нядаўна ён працаваў кур'ерам у прыватнай кампаніі, якая прадавала запчасткі для аўто.
