Павел быў асуджаны ў судзе Фрунзенскага раёна горада Мінска 23 траўня 2022 года па арт. 369 КК РБ.
У вячэрнім выпуску навін на дзяржаўным тэлебачанні "Беларусь 1" пятага мая 2025 года Паўла назвалі "ўдзельнікам экстрэмісцкага фарміравання" і "часткай Віленскай харугвы", мэта якой нібыта ўварванне ў Беларусь. У роліку паведамлялася , што актывіст нібыта праходзіў ваенізаваную трэніроўку ва ўказанай арганізацыі. А таксама нібыта ў 2020 годзе ўдзельнічаў у акцыях пратэсту і ўваходзіў у склад групы, якая планавала атаку беспілотнікамі Астравецкай АЭС.
Паведамляецца, што Павал зьехаў з Беларусі, а яго аб'явілі ў міждзяржаўны вышук. Абставіны затрымання актывіста невядомыя. На відэа мужчыну ў аэрапорце выводзяць з самалёта супрацоўнікі з павязкамі КДБ і перасаджваюць у аўтамабіль.
