Андрэя прызналі вінаватым у тым, што ён размясціў на Facebook пост, які нібыта прыніжаў гонар і годнасць Лукашэнкі. Судовая экспертыза ўстанавіла, што публікацыя змяшчала «лексемы, якія ўключаюць мянушкавыя намінацыі» Лукашэнкі.
Да суда на яго маёмасць быў накладзены арышт - у тым ліку на тэлевізар, "разумныя" калонкі, пыласос, пральную машыну і мультыварку. Суддзя пастанавіла зняць арышт з маёмасці і вызваліць Андрэя з-пад варты да набыцця моцы прысуду.
