36-гадовыя Зміцер і Вольга Капузы былі затрыманыя 16 студзеня 2024 года. Муж з жонкай родам з Драгічынскага раёна, жылі каля беларуска-ўкраінскай мяжы. Пасля затрымання на дзяржтэлебачанні выйшаў прапагандысцкі відэаролік "Зачыстка. Барацьба з дыверсантамі і агентамі спецслужбаў Украіны ў Беларусі", у якім іх абвінавачвалі ў кантрабандзе з Украіны. Тады агулам затрымалі групу з 12 чалавек. Па версіі прапагандыстаў, пара нібыта працавала на спецслужбы Украіны. Сцвярджалася, што жыхары Драгічынскага раёна дапамагалі Службе бяспекі Украіны - забіралі выбухоўку і рабілі тайнікі на тэрыторыі Беларусі.
У прапагандысцкім відэа паказалі , як Зміцеру пры затрыманні прастрэлілі сцягно. А пазней - як ён перасоўваецца на мыліцах. Брата Зміцера адразу пасля затрымання супрацоўнікі КДБ збівалі па галаве.
Адзін з вызваленых палітвязняў, які сядзеў разам з Капузай у СІЗА-7, распавёў, што ад пачатку абвінавачанне ішло па арт. 289 КК РБ - абвінавачанне ў тэрарызме . Але па гэтым артыкуле трэба , каб было здзяйсненне выбуху , падпалу ці іншых дзеянняў, якія ствараюць небяспеку гібелі людзей . Потым супрацоўнікі КДБ перакваліфікавалі справу на арт. 356 КК - " Здрада дзяржаве". Як тлумачыў сам Капуза аднакамерніку , у яго быў дом у вёсцы Сварынь у Драгічынскім раёне, недалёка ад мяжы з Украінай. І вось ён там займаўся кантрабандай : бурштын , цыгарэты , гарэлка. Мог адразу перавезці тавар , а мог схаваць і перавозіць часткамі для бяспекі. Відаць , адно са сховішчаў стала вядома супрацоўнікам КДБ і ў яго падкінулі выбухоўку. Пра што Капуза даведаўся пасля арышту. Падчас затрымання з бусіка выскачылі людзі , падбеглі да яго аўтамабіля, адчынілі дзверцы і без адзінага слова двойчы стрэлілі ў нагу . Дм ітрый атрымаў мінімальную медыцынскую дапамогу . Пашанцавала , што не пачалася гангрэна, што нага ацалела. Зміцер, на той час віны не прызнаў, таму яго вельмі моцна збівалі для атрымання прызнання.
