Да затрымання Сяргей працаваў у Баранавіцкім аддзяленні Беларускай чыгункі, а таксама ў лакаматыўным дэпо Ліда.
Паводле матэрыялаў справы, у перыяд з лістапада 2020 года па студзень 2022 года ён размяшчаў у суполках сацыяльнай сеткі «УКантакце» паведамленні, якія змяшчаюць абразы і пагрозы прымянення гвалту ў дачыненні да Лукашэнкі. Акрамя таго, у лютым 2022 года ён апублікаваў паведамленні, якія следства палічыла накіраванымі на распальванне нацыянальнай і іншай сацыяльнай варожасці і варожасці ў дачыненні да расейскіх вайскоўцаў.
Летам 2022 года Сяргея асудзілі па трох крымінальных артыкулах і прыгаварылі да пазбаўлення волі.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
