65-гадовы Уладзімір Янукевіч працаваў дырэктарам і галоўрэдам незалежнай рэгіянальнай газеты "Intex-Press". 44-гадовы Андрэй Пакаленка - намеснікам дырэктара па развіцці названага медыя. Пасля ліквідацыі газеты яны стварылі сайт навін BAR24. у студзені 2025 года сайт перастаў адчыняцца.
Уладзімір Янукевіч раней ужо падвяргаўся пераследам . Яго двойчы судзілі і штрафавалі па КаАП за публікацыю інтэрв'ю Ціханоўскай, а ў лютым 2023 года ў ТАА "Выдавецкі дом" Інтэкс-прэс" прыходзілі сілавікі з ператрусам.
Акрамя пазбаўлення волі і вялікага штрафу, як паведамляе БАЖ, «ёсць інфармацыя аб вялізным агульным спагнанні ў памеры каля 200 000 рублёў (каля 60 000 еўра)».
Супрацоўнікаў баранавіцкага медыя BAR24 затрымалі ў снежні 2024 года. У іх дамах, а таксама ў рэдакцыі гарадскога партала, сілавікі правялі ператрусы і дасталі тэхніку. Тады некалькіх чалавек адпусцілі, а на астатніх завялі крымінальныя справы.
