Валерый Аляксандравіч Есьман

Колькасць рэпрэсаваных:

5

Адміністрацыйных спраў:

3

Дзень нараджэння:

16 верасня 1966

Валерый Аляксандравіч Есьман датычны да палітычна матываваных рэпрэсій у Рэспубліцы Беларусь. Есьман нясе персанальную адказнасць за тое, што ў якасці суддзі суда Цэнтральнага раёна горада Мінска працяглы час выносіць шматлікія палітычна матываваныя прысуды ў дачыненні да журналістаў, лідэраў апазіцыі, актывістаў і пратэстоўцаў. У судовай практыцы Валеры Есьман разглядае не толькі адміністрацыйныя справы, але і крымінальныя. У выніку яго рашэнняў на розныя тэрміны турэмнага зняволення былі асуджаныя прадстаўнікі грамадзянскай супольнасці Рэспублікі Беларусь. Таксама суддзя патурае злачынствам з боку супрацоўнікаў унутраных органаў у дачыненні да апанентаў дзейнага ў краіне рэжыму. У прыватнасці, у 2005 годзе Есьман апраўдаў супрацоўніка АМАП, які ўдарыў жонку выкрадзенага аператара Зміцера Завадскага - Святлану, нягледзячы на наяўнасць відэаздымкі інцыдэнту. У перыяд паміж 1 студзеня 2016 года і 14 сакавіка 2017-га, ён вынес 17 прыгавораў прадстаўнікам грамадзянскай супольнасці. У 2019 годзе Валеры Есьман аштрафаваў больш чым на 1100 рублёў Леаніда Кулакова. Суддзя палічыў "несанкцыянаваным мерапрыемствам" калектыўную малітву ў абарону курапацкіх крыжоў, якая прайшла 7 красавіка таго ж года каля Кафедральнага сабора Мінска. Такім чынам, Есьман Валерый Аляксандравіч нясе адказнасць за парушэнні правоў чалавека і падрыў прынцыпаў вяршэнства закону, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Ягоная праца ў рамках судовай сістэмы сфакусаваная на падтрыманні пазіцый існуючай улады, а не на выкананні закона. Дзеянні Есьмана спрыяюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна-матываваных рэпрэсій у Рэспубліцы Беларусь.