Галіна Сяргееўна Кніжонак-Максімава

Колькасць рэпрэсаваных:

8

Адміністрацыйных спраў:

1

Дзень нараджэння:

14 ліпеня 1981

Саўдзельніца злачынстваў супраць правоў і свабод грамадзян Беларусі. Кніжонак-Максімава Галіна Сяргееўна з'яўляецца супрацоўніцай органаў судовай улады, якія маюць дачыненне да палітычна матываваных рэпрэсій, у рамках якіх былі затрыманыя і падвергнутыя гвалту тысячы мірных дэманстрантаў, некалькі сотняў журналістаў, праваабаронцаў і актывістаў. Выносіла абвінаваўчыя прысуды па палітычна матываваных справах, дзе прысудзіла пакаранне ў выглядзе штрафу на агульную суму не менш за 1930 рублёў. Вынесла прысуд палітвязню Яраславу Пашкову. Ён абвінавачваўся ў дыскрэдытацыі Рэспублікі Беларусь па артыкуле 369-1 Крымінальнага кодэкса і абразе Лукашэнкі паводле часткі 1 артыкула 368 за каментары ў інтэрнэце. Кніжонак-Максімава прысудзіла Яраславу пакаранне ў выглядзе пазбаўлення волі тэрмінам на 1 год і 9 месяцаў з адбываннем у калоніі ва ўмовах агульнага рэжыму. Акрамя таго, абавязала выплаціць штраф у памеры 100 базавых велічыняў. Вынесла прысуд у дачыненні да Уладзіслава Ганчарова адразу па трох артыкулах Крымінальнага кодэкса за публікацыі ў інтэрнэце: абразу Лукашэнкі па частцы 1 артыкула 368, абразу прадстаўнікоў улады па артыкуле 369, а таксама здзек з дзяржаўных сімвалаў па артыкуле 370 Крымінальнага кодэкса. Кніжонак-Максімава прызначыла Ганчарову пакаранне ў выглядзе пазбаўлення волі на два гады з адбываннем у папраўчай калоніі ва ўмовах агульнага рэжыму, а таксама абавязала выплаціць штраф у памеры 50 базавых велічынь.