Таццяна Анатольеўна Сакратарава

Колькасць рэпрэсаваных:

2

Дзень нараджэння:

8 ліпеня 1984

Датычная да вынясення палітычна матываваных судовых рашэнняў, не менш за 2 палітычна матываваныя рашэнні па якіх прызначана, не менш за 4400 рублёў штрафаў, не менш за 5 гадоў пазбаўлення або абмежавання волі. Прыгаварыла па «справе Зельцэра» жыхара Асіповічаў, Мікалая Галаўкова да трох гадоў пазбаўлення волі і штрафу ў 3400 рублёў. Мужчыну ў закрытым рэжыме асудзілі па трох артыкулах Крымінальнага кодэкса: абразу прадстаўніка ўлады (арт. 369), абразу Аляксандра Лукашэнкі (арт. 368) і дыскрэдытацыю Рэспублікі Беларусь (арт. 369-1). Прыгаварыла да двух гадоў абмежавання волі з накіраваннем ва ўстанову адкрытага тыпу ("хімія") Генадзя Казючыца, жыхара аграгарадка Лапіч, за абразу супрацоўніка міліцыі Цімура Пахоменка. Генадзя асудзілі за каментар у групе Фэйсбук. Ён растлумачыў, што каментар стаў рэакцыяй на відэа, на якім супрацоўнікі міліцыі праходзяць міма затрыманых, якія стаялі ля сцяны, і б'юць іх дубінкай.