13 верасня 2020 года ў Брэсце адбылася акцыя пратэсту: калона людзей выйшла на скрыжаванне праспекта Машэрава і бульвара Касманаўтаў, дзе людзі спявалі і вадзілі карагоды, пакуль іх не разагналі вадамётам. Узбуджаную пасля яе крымінальную справу назвалі «справай карагодаў», па ёй пазней асудзілі дзясяткі чалавек.
1 снежня 2021 года Ігара затрымалі, і да суда яго ўтрымлівалі ў СІЗА.
У траўні 2022 года Ігара прызналі вінаватым па крымінальнай справе, узбуджанай па артыкуле «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за ўдзел у гэтай акцыі, прыгаварыўшы да абмежавання волі без накіравання ў папраўчую ўстанову адкрытага тыпу. З-пад варты яго вызвалілі ў зале суда.
Пазней Ігар пакінуў Беларусь.
У снежні 2024 года ў межах спецвытворчасці адбылося завочнае судовае пасяджэнне па пытанні ўзмацнення віду пакарання. Вынік гэтага пасяджэння невядомы.
