Міхаіл Рыгоравіч Юрчанка

Колькасць рэпрэсаваных:

9

Адміністрацыйных спраў:

36

Дзень нараджэння:

17 жніўня 1979

Міхаіл Рыгоравіч Юрчанка датычны да палітычна матываваных рэпрэсій у Рэспубліцы Беларусь. Юрчанка нясе адказнасць за тое, што ў якасці суддзі суда Першамайскага раёна горада Віцебска выносіць шматлікія палітычна матываваныя прыгаворы ў дачыненні да прадстаўнікоў грамадзянскай супольнасці Рэспублікі Беларусь. У судовай практыцы Юрчанка Міхаіл Рыгоравіч разглядае не толькі адміністрацыйныя справы, але і крымінальныя. У выніку яго рашэнняў ужо былі выдадзены штрафы сумарна не менш як на 7818 рублёў і адміністрацыйныя арышты сумарна не менш як на 108 сутак, а таксама на розныя тэрміны турэмнага зняволення былі асуджаныя апаненты дзейнага ў краіне рэжыму. У прыватнасці, 17 верасня 2021 года ён прысудзіў 9 гадоў і 15 сутак пазбаўлення волі ў калоніі ўзмоцненага рэжыму палітвязню Сяргею Думаву. 30 верасня 2020 года Юрчанка прызнаў бацькоў апазіцыянера Паўла Севярынца Таццяну і Канстанціна Севярынцаў вінаватымі ў парушэнні закона аб масавых мерапрыемствах. Размахванне бел-чырвона-белым сцягам на лоджыі сям'і Севярынцаў суддзя расцаніў як несанкцыянаванае пікетаванне. Спачатку суддзя разгледзеў адміністрацыйную справу Таццяны, а потым Канстанціна. Юрчанка аштрафаваў Таццяну на 25 базавых велічыняў і вынес папярэджанне яе мужу. 14 верасня Міхаіл Юрчанка асудзіў Яўгена Гукава на адзін год і дзесяць месяцаў зняволення ў калоніі агульнага рэжыму за каментарыі пад відэаролікамі ў тэлеграм-групе. Такім чынам, Юрчанка Міхаіл Рыгоравіч нясе адказнасць за парушэнні правоў чалавека і падрыў прынцыпаў вяршэнства закону, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Ягоная праца ў рамках судовай сістэмы сфакусаваная на падтрыманні пазіцый існуючай улады, а не на выкананні закона. Дзеянні Юрчанкі садзейнічаюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна-матываваных рэпрэсій у Рэспубліцы Беларусь.