Паводле матэрыялаў справы , бацька разам з дачкой восенню 2020 года, знаходзячыся на тэрыторыі Мінска на праезнай частцы праспекта Пераможцаў, дзейнічаючы групай асоб, і з іншымі асобамі, "прынялі актыўны ўдзел у групавых дзеяннях, якія груба парушаюць грамадскі парадак і спалучалі з відавочнай непадпарадкаванасцю законам патрабаванням , у тым ліку грамадскага пасажырскага транспарту".
Да абвяшчэння прысуду дзяўчына знаходзілася пад вартай з 2 верасня 2020 года. Яе прызналі вінаватай у тым, што 6 сакавіка 2022 года яна расклеіла ўлётку, якая ўтрымлівае паклёп на Лукашэнку, на рэкламным банеры адной з вуліц Менска. Згодна з пазіцыяй абвінавачання, такім чынам яна распаўсюдзіла ілжывыя звесткі ў дачыненні да Лукашэнкі.
Дзяўчына прызнала віну і расказала, што раздрукавала ўлётку і расклеіла яе разам са сваёй знаёмай, каб прыцягнуць увагу людзей да таго, што адбываецца ў свеце. Пра налепку ў міліцыю паведамілі сьведкі. Дзяўчыну вызначылі па камерах відэаназірання.
Ксенія, супрацоўніца IT-кампаніі "Гейм Стрым", была затрымана 11 сакавіка 2023 года ў Мінску. Па словах сілавікоў, у 2020-2021 гадах яна праз данаты ў Facebook зрабіла дзевяць плацяжоў у фонды салідарнасці на агульную суму 425 даляраў. Праўладныя тэлеграм-каналы апублікавалі відэа з ператрусу, падчас якога ў Ксеніі Алькенавай быў знойдзены і канфіскаваны БЧБ-сцяг, 20 000 долараў і аргтэхніка.
У ліпені таго ж года яе асудзілі і прыгаварылі да пазбаўлення волі.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Кіта Келага — і вывезена ва Украіну.
Вырак суда 12.07.2023
4 гады пазбаўлення волі ў калоніі ва ўмовах агульнага рэжыму.
Затрымана разам з мужам па справе дыверсіі ў Мачулішчах.
Праваабаронцы атрымалі інфармацыю аб тым, што 3 сакавіка супрацоўнікамі КДБ па справе дыверсіі ў Мачулішчах быў затрыманы Максім Лапацін. Мужчыну трымаюць у СІЗА КДБ. Пра Лапаціна ў сваім фільме па БТ узгадвалі прапагандысты.
23 сакавіка затрымалі і жонку Максіма - Людмілу Лапаціну. 12.06.2023 яе асудзілі за ўдзел у акцыях пратэсту. Рашэнне суда невядома.
Анастасія маці траіх дзяцей, была затрымана ў канцы 2022 года і да суда яна была пад хатнім арыштам. Па матэрыялах следства, Падгайская ў кастрычніку 2022 года нібыта неаднаразова перасылала фота- і відэафайлы з тэкставымі паведамленнямі ў робат дэструктыўнага Telegram-канала экстрэмісцкага фарміравання.
Інфармацыя, адпраўленая ёй, утрымлівала звесткі аб становішчы ў рэгіёнах Расійскай Федэрацыі і Рэспублікі Беларусь, а таксама аб планавых мерапрыемствах на агульнавайсковых палігонах.
Жанчыну абвінавацілі ў тым , што яна ў красавіку 2022 года напісала са свайго мабільнага тэлефона ў адным з тэлеграм-каналаў абразлівы каментар у бок Лукашэнкі, а ў ліпені 2022 года - у бок прадстаўніка Узброеных Сіл Беларусі. Ала цалкам прызнала віну і раскаялася ў зробленым.
Але 54 гады, яна мае на ўтрыманні непаўналетняга дзіцяці.
Зьмітра прызналі вінаватым ва ўдзеле ў адным з маршаў у 2020 годзе. Яго дзеянні - у тым ліку, знаходжанне на праезнай частцы і дэманстрацыя пратэстнага "V-вобразнага сімвала" - нібыта перашкодзілі руху транспарту і працы прадпрыемства. Таксама яго судзілі за інцыдэнт, падчас якога ён ударыў іншага чалавека кулаком у твар. Пацярпелы дадаў, што канфлікт узнік з-за палітычнага становішча ў краіне ў 2020 годзе. Зміцер прызнаў віну.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
