Кірыл быў асуджаны па артыкуле "Хуліганства, учыненае групай асоб" у рамках крымінальнай справы, узбуджанай за нанясенне надпісаў "3%", "Ідзі", "Жыве Беларусь" на помнік Леніну ў пасёлку Дамачава Брэсцкага раёна ў жніўні 2020 года.
Аляксандра абвінавацілі ў тым, што ён наўмысна, у стане алкагольнага ап'янення, здзейсніў «псаванне маёмасці» шляхам нанясення надпісаў на будынак калоніі ў Оршы, прычыніўшы «маёмавую шкоду». У якасці «сродкаў здзяйснення злачынства» ён выкарыстоўваў «пэндзаль неўстаноўленага ўзору, пальчаткі, а таксама фарбу чырвонага колеру».
Вызвалены ў верасні 2021 года, цалкам адбыўшы прызначаны судом тэрмін пакарання.
- Аб'яднанні
- Затрыманыя да 18 гадоў
- Студэнты
- Аб'яднанні
- Затрыманыя да 18 гадоў
- Студэнты
Максім, студэнт Мінскага дзяржаўнага аўтамеханічнага каледжа, быў затрыманы 19 кастрычніка 2020 года каля 7.30 раніцы, калі выходзіў з пад'езда і накіроўваўся на вучобу. Яго затрымалі ў межах крымінальнай справы, узбуджанай за блакіраванне дарогі ў мікрараёне Серабранка ў Мінску 13 кастрычніка 2020 года. Максіма абвінавацілі ва «ўдзеле ў групавых дзеяннях, якія груба парушаюць грамадскі парадак» і прыгаварылі да абмежавання волі без накіравання ў папраўчую ўстанову. Ён быў вызвалены з-пад варты ў залі суда. На момант затрымання і вынясення прысуду Максім быў непаўналетнім, акрамя таго, ён мае сур'ёзныя праблемы са здароўем — загана сэрца.
Генадзь быў асуджаны па артыкуле "Хуліганства, учыненае групай асоб" за нанясенне графіці і надпісаў на прыпынках. Матэрыяльны ўрон ён цалкам кампенсаваў у дасудовым парадку і прызнаў сваю віну.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Юлія была асуджаная за каментар, пакінуты пад фатаграфіяй участковага інспектара Путнікава ў Telegram-чаце «Гродна для жыцця», які ён палічыў абразлівым.
Іван быў асуджаны за абразу былога намесьніка міністра ўнутраных справаў, Аляксандра Барсукова. Падставай для абвінавачання стаў яго каментар пад відэа «Здзекаў не было» у тэлеграм-канале «Банда Лукі».
Аляксандр быў асуджаны па артыкуле "хуліганства" і прысуджаны да абмежавання волі без накіравання ў папраўчую ўстанову.
Уладзімір быў асуджаны па трох крымінальных артыкулах за публікацыі ў Telegram. Па версіі абвінавачання, 14 верасня 2020 года ён размясціў фота ўчастковага Аляксандра Яўсявіцкага з абразлівым подпісам, прычыніўшы таму маральную шкоду. 15 верасня ён трапіў у канал «Вялікая Каўпеніца» фатаграфію начальніка АУС Аляксея Гетьмана з асабістымі дадзенымі і паклёпам. 30 верасня Уладзімір апублікаваў каментар пад фота суддзі Мікалая Кміты, які, на думку следства, меў абразлівы характар.
Вызвалены ў ліпені 2024 года, цалкам адбыўшы прызначаны судом тэрмін пакарання.
Уладзімір быў асуджаны за рэпост двух паведамленняў у тэлеграм-чаце "Брэст для жыцця чат". Па версіі абвінавачання, у гэтых паведамленнях змяшчаліся абразы і паклёп на адрас следчага і дэкана БрДУ ім. А. С. Пушкіна, прызнаных пацярпелымі па справе. Да суда ён знаходзіўся пад падпіскай аб нявыездзе. У сакавіку 2021 года яго прыгаварылі да абмежавання волі без накіравання ў папраўчую ўстанову.
Андрэй быў асуджаны ў красавіку 2021 года па артыкуле "Апаганенне збудаванняў і псаванне маёмасці", нягледзячы на тое, што раней па тым жа эпізодзе ўжо атрымаў адміністрацыйны арышт. Сутнасць абвінавачання заключалася ў тым, што ў лютым 2021 года ён нанёс на фасад жылога дома радок з малітвы: «Але збаві нас ад лукавага».
Вызвалены ў ліпені 2021 года, цалкам адбыўшы прызначаны судом тэрмін пакарання.
Сяргей быў затрыманы ў ліпені 2020 года па крымінальнай справе, узбуджанай за абразу Лукашэнкі. Да вынясення прысуду знаходзіўся пад падпіскай аб нявыездзе. Са студзеня 2021 года прайшло чатыры закрытыя судовыя пасяджэнні — без удзелу адвакатаў і сведкаў. З 96 эпізодаў абвінавачання былі даказаны 13. У сакавіку 2021 года Сяргея прыгаварылі да пазбаўлення волі.
Вызвалены ў жніўні 2022 года, цалкам адбыўшы прызначаны судом тэрмін пакарання.
Антон быў затрыманы і асуджаны за запіс і распаўсюд відэароліка, у тым ліку ў тэлеграм-канале "Баста", якім, паводле версіі абвінавачання, ён публічна абразіў Лукашэнку.
Вызвалены ў студзені 2022 года, цалкам адбыўшы назначаны судом тэрмін пакарання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Васіль быў затрыманы ў траўні 2021 года ў рамках крымінальнай справы, узбуджанай за аднаўленне графіці з «дыджэямі перамен» у знакамітым пратэстным двары «Плошча Перамен» па артыкуле «злоснае хуліганства, учыненае групай асоб». У жніўні таго ж года яго прыгаварылі да абмежавання волі з накіраваннем і вызвалілі з-пад варты ў зале суда да ўступлення прыгавору ў сілу.
Вядома, што ў кастрычніку 2024 года ў дачыненні да Васіля ў рамках спецвытворчасці разглядалася справа аб замене абмежавання волі на пазбаўленне волі ў калоніі.
Аляксандр быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".
Вызвалены ў сакавіку 2024 года, поўнасцю адбыўшы тэрмін пакарання, прызначаны судом.
Вячаслаў быў затрыманы ў межах крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках".
Па падліках праваабаронцаў, ён быў вызвалены ў лістападзе 2024 года, цалкам адбыўшы тэрмін пакарання, прызначаны судом.