Зміцер Уладзіміравіч Аляшкевіч

Дырэктар Цэнтра тэхнічнай падтрымкі "КМА-БелАЗ" у Белгарадскай вобласці РФ. Затрыманы за ўдзел у акцыях пратэсту 2020 і каментары ў сацсетках.

Яго абвінавачваюць ва ўдзеле ў пратэстах у 2020 годзе і пакіданні каментараў у інтэрнэце. Пры гэтым ён выдаліў свой тэлеграм-акаўнт у канцы 2022-га, але яго адшукалі, верагодна, з-за каментароў-ён даваў там шмат інфармацыі пра сябе і пакінуў іх шмат (не менш за тысячу).

Падчас затрымання губопікаўцы разарвалі ці разрэзалі яго кашулю — гэта добра бачна на фота з іх канала. На руцэ мужчыны вялікая тату з нацыянальным арнаментам.

Асуджаны за ўдзел у акцыях пратэсту 2020 году.

Вядома, што ў 2020 годзе Лянкевіч далучаўся да забастоўкі.

Дзяніса затрымалі 6 чэрвеня 2023 года на працоўным месцы - ён жыў і працаваў у Мінску. Пасля хлопца пакаралі 13-сутачным арыштам па ч. 2 арт. 19.11 КаАП РБ (распаўсюд экстрэмісцкіх матэрыялаў). Пасля адбыцця арышту са зняволення Дзяніс так і не выйшаў на яго склалі яшчэ адзін адміністрацыйны пратакол, але ўжо па артыкуле 19.1 (дробнае хуліганства). Адбыўшы другі тэрмін, Дзяніс так і не выйшаў на волю. Ягоным сваякам паведамілі, што 30 чэрвеня хлопца перавялі з Цэнтра ізаляцыі правапарушальнікаў у ІЧУ на Акрэсціна і абвінавачваюць яго па ч. 1 арт. 342 КК РБ.

Студэнт апошняга курса БНТУ. Быў затрыманы ў красавіку 2023 года. Чатыры разы ён адбыў "суткі". 20 красавіка яму далі 13 сутак паводле арт. 19.1 КаАП, трэцяга траўня - 2 сутак па тым жа артыкуле.

Пасля гэтага на яго завялі крымінальную справу па арт. 342 ч. 1 КК РБ. Да суда знаходзіўся ў следчай турме №8.

6 верасня 2023 г. суддзя Анастасія Осіпчык разгледзела справу Глеба ў судзе Заводскага раёна Мінска. Яна прызначыла яму 3 гады без накіравання ў папраўчую ўстанову ("хатняй хіміі"). Муравіцкі быў вызвалены ў залі суда.

Згодна з раскладам судоў, справа аб замене абмежавання волі на пазбаўленне волі ў калоніі разглядалася 11 лістапада 2024 г. у судзе Ленінскага раёна Мінска. Суддзя Юлія Інчына .

Аб'яўлены ў вышук.

Генадзь прыйшоў у міліцыю не пазней за 1994-ы. Большая частка яго кар'еры была звязана з аховай грамадскага парадку і працай з непаўналетнімі.

У жніўні 1994 года Майсейчык працаваў участковым інспектарам Ленінскага РУУС Мінска. Праз год перайшоў у інспекцыю па справах непаўналетніх. Быў участковым, пасля старэйшым участковым інспектарам, а ў 2001 годзе ўзначаліў інспекцыю па справах непаўналетніх Ленінскага РУУС. Пазней Майсейчык перайшоў у Маскоўскае РУУС. На пачатак 2015 года ён займаў пасаду намесніка начальніка аддзела аховы правапарадку і прафілактыкі і меў званне падпалкоўніка міліцыі.

У архіве сайта адміністрацыі Маскоўскага раёна захаваўся яго каментар аб хатнім гвалце. Ад імя міліцыі Майсейчык заклікаў пацярпелых не маўчаць і папярэджваў, што сямейныя канфлікты могуць заканчвацца асабліва цяжкімі злачынствамі.

Яго звольнілі з працы ў чэрвені 2015 году. У базах запісана, што падставай стаў прагул.

Згодна з пераказам аднакаменіка , у 2020 годзе Генадзь Майсейчык выходзіў на акцыі пратэсту. Яго нібыта зафіксавалі відэакамеры, але прыйшлі па былога міліцыянта толькі праз тры гады: яго затрымалі ў Мінску 12 ліпеня 2023 года.

Згодна з тым, што Майсейчык расказваў у камеры, яго затрымлівалі цэлым аўтобусам "касманаўтаў". Падчас затрымання сілавікі збілі яго сына (мае інваліднасць), а калі бацька кінуўся яго абараняць, пачалі біць і самога Майсейчыка - дубінкамі, нагамі і кулакамі. Зламалі рэбры і насавую перагародку. Пасля збіццё працягнулася ў будынку РУУС, у кабінеце, дзе некалі працаваў сам Майсейчык.

У лістападзе 2024 года прозвішча Майсейчыка з'явілася ва ўказе Лукашэнкі аб пазбаўленні былых сілавікоў воінскіх і спецыяльных званняў.

Затрымана за ўдзел у акцыях пратэсту.

Кандыдат філалогіі. Дацэнт кафедры беларускай і рускай моў БДУФК.

У "пакаяным відэа" на праўладных каналах яна кажа, што ўдзельнічала ў пратэстах.

Выкладчык беларускай мовы, кандыдат філалагічных навук і дацэнт кафедры беларускай і рускай моў. У "пакаяным відэа" яна кажа , што наведвала мітынгі, падчас якіх выходзіла на дарогу, зарэгістравалася ў плане "Перамога" і была падпісана на "дэструктыўныя" каналы.

Дзяўчына была затрымана вясной 2023 года ў аэрапорце, калі вярталася з Егіпта, за ўдзел у акцыях пратэсту.

Пасля затрымання знаходзілася ў ІЧУ на Акрэсціна 10 сутак, потым была пераведзена ў Жодзіна.

Кацярына прызнала віну і расказала, што такім чынам выказвала нязгоду з затрыманнямі ўдзельнікаў мірных шэсцяў і фізічнага ўздзеяння, якое ўжывалася супраць іх з боку сілавікоў. Яна пазнала сябе на фатаграфіях.