Ігар Віктаравіч Чорны

Затрымана за салідарнасць з палітвязнямі.

Кацярыне Мендрык 26 гадоў. Паводле інфармацыі ў сацсетках, яна нарадзілася ў Лідзе, але яшчэ ў дзяцінстве пераехала жыць у Гродна. Кацярына вучылася ў Варшаўскім універсітэце і доўгі час жыла ў Польшчы.

Згодна з раскладам судоў, да затрымання па крымінальнай справе Кацярыну як мінімум двойчы асудзілі па палітычных адміністрацыйных пратаколах пасля перасячэння мяжы. Ці жыла яна за мяжой -невядома.

Мендрык затрымалі пасля студзеньскага рэйду на салідарных з палітвязнямі, бо яна слала пасылкі і рабіла пераводы палітвязням у СІЗА. Па звестках праваабаронцаў, затрыманне адбылося крыху пазней, бо на момант рэйду дзяўчына была за мяжой-яе затрымалі пасля вяртання ў Беларусь.

Марына – беларускамоўная IT-спецыялістка з EPAM, якая таксама займаецца творчасцю. Яна піша артыкулы для беларускай Вікіпедыі, робіць ілюстрацыі, перакладае на беларускую мову і піша вершы. Пасля пачатку поўнамаштабнай расейскай агрэсіі супраць Украіны яна пераехала ў Грузію, але затым па невядомых прычынах вярнулася ў Беларусь. Неўзабаве яна была затрыманая ў рамках крымінальнай справы і асуджаная па артыкулах «фінансаванне экстрэмісцкай дзейнасці» і «фінансаванне ці іншая фінансавая падтрымка вайны».

Алеся Сяргеенка з канца студзеня знаходзіцца ў следчым ізалятары ў межах крымінальнай справы (меркавана, ёй ставяць у віну «садзейнічанне экстрэмізму»). Была затрымана ў выніку масавага рэйду сілавых структур 23-24 студзеня 2024 года на сваякоў палітвязняў і людзей, якія дасылалі пасылкі і лісты палітвязням.

Таксама вядома, што 21 лютага суд Кастрычніцкага раёна Магілёва разгледзеў справу ў межах «Дэкрэта №7» «Аб замежнай бязвыплатнай дапамозе» у дачыненні да Алесі. Па «Дэкрэце №7» у Беларусі судзяць тых людзей, супраць якіх правялі масавую аблаву ў канцы студзеня 2024 года. Тады супрацоўнікі КДБ спрабавалі высветліць, хто атрымліваў прадуктовую дапамогу з-за мяжы ў рамках дзейнасці арганізацыі INeedHelp, прызнанай так званым «экстрэмісцкім фармаваннем».
У Алесі Сяргеенкі двое дзяцей - 3 і 16 гадоў. Яе муж, Максім Сяргеенка - палітвязень, які ў красавіку 2021 года атрымаў ад Круглянскага раённага суда прысуд у 3 гады зняволення.

Была затрымана 23 студзеня 2024 года падчас масавага рэйду сілавых структур па сваяках палітвязняў і па людзях, якія дапамагалі ім.

Згодна з праўладнымі тэлеграмамі-канал была затрымана разам з сынам за ўдзел у акцыях пратэсту 2020 года. 06.03.2024 была асуджаная па адміністрацыйным артыкуле ( арт. 19.1 КаАП РБ – Дробнае хуліганства). Пасля ёй вылучылі абвінавачанні па крымінальных артыкулах.

Судмедэксперт.

27.02.2024 адбыўся разгляд апеляцыйнай скаргі, прысуд уступіў у сілу.

Маці палітвязні блогеркі Вольгі Такарчук (была вызваленая ў чэрвені 2022 года пасля адбыцця тэрміна пакарання). Затрымана ў выніку масавага рэйду сілавых структур 23-24 студзеня 2024 года на сваякоў палітвязняў і людзей, якія дасылалі пасылкі і лісты палітвязням.

Наталля была затрымана падчас масавага рэйду сілавых структур 23–24 студзеня 2024 года, накіраванага супраць сваякоў палітвязняў і людзей, якія выказвалі ім салідарнасць. Яе асудзілі ў рамках крымінальнай справы, узбуджанай па артыкуле «садзейнічанне экстрэмісцкай дзейнасці».

Затрымана ў выніку масавага рэйду сілавых структур 23-24 студзеня 2024 года на сваякоў палітвязняў і людзей, якія дасылалі пасылкі і лісты палітвязням.

21 лютага 2024 года ў судзе Пінскага раёна суддзя Бычыла Андрэй разгледзеў справу па ч. 2 ст. 19.11 КаАП (Распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыйнай прадукцыі).

Відаць, пасля гэтага была заведзеная крымінальная справа.

Затрыманы разам з усёй сям'ёй (муж, дачка, сын) па падазрэнні ў "дзяржзмене". Дачку пазней, мяркуючы па ўсім, адпусцілі. Падрабязнасці справы невядомыя.

Працавала санітаркай у Гомельскай гарадской клінічнай бальніцы №3. Ларыса Прохарава – зусім непублічны чалавек. Яна нарадзілася ў 1975 годзе ў Грабаўцы, дзе пражыла ўсё жыццё.

Удзельнікі закрытага працэсу маюць падпіскі аб неразгалошванні. З неафіцыйнай крыніцы вядома, што крымінальная справа тычыцца фатаграфавання розных аб'ектаў на тэрыторыі Беларусі, а за фігурантамі справы нейкі час перад арыштам сачылі спецслужбы.

Сям'я Прохаравых доўгі час жыла ў вёсцы Грабаўка Гомельскага раёна. На момант затрымання яны жылі ў вёсцы Уза Гомельскага раёна, куды пераехалі два гады таму.

У 2016 годзе Надзея скончыла Менскі дзяржаўны лінгвістычны ўніверсітэт па спецыяльнасці выкладчык замежных моў. Больш за год яна прапрацавала перакладчыцай, а затым перайшла ў IT, дзе займалася тэсціраваннем. У лістападзе 2023 года Надзею затрымалі.

Затрымана за донаты. Была адзначана ў намінацыі "Лепшы выпускнік БДУ" 2018 года. Пасля затрымання некалькі месяцаў Ксенію ўтрымлівалі ў СІЗА КДБ, пасля чаго перавялі ў СІЗА-1, а потым у СІЗА-3.

4 чэрвеня 2024 г. адбыўся разгляд апеляцыйнай скаргі Ксеніі. Прысуд уступіў у сілу.

Ларыса, рэпетытарка англійскай мовы, была затрымана ў канцы жніўня 2023 года. Спачатку яе асудзілі па адміністрацыйнай справе за «распаўсюджванне, выраб і захоўванне экстрэмісцкіх матэрыялаў», але пазней распачалі крымінальную справу, у межах якой яна была асуджаная за «садзейнічанне экстрэмісцкай дзейнасці».

Ганна была затрымана 18 снежня 2023 года. Па заканчэнні 72 гадзін яна так і не была вызвалена. Папярэдне крымінальная справа была ўзбуджаная за абразу Лукашэнкі і супрацоўніка міліцыі.

Ганну асудзілі па некалькіх крымінальных артыкулах, у тым ліку «садзейнічанне экстрэмісцкай дзейнасці», прызначыўшы ёй пакаранне ў выглядзе пазбаўлення волі і буйнога штрафу. Судовы працэс адбываўся ў закрытым рэжыме.

Меркавана, адной з падстаў для пераследу стала яе салідарнасць з палітвязнямі — вядома, што Ганна актыўна пісала ім лісты.