Зміцер Рудольфавіч Шынвіз

Сяргей быў затрыманы 30 жніўня 2020 года ў Менску падчас нядзельнай акцыі пратэсту. Ягоны арышт адбыўся пасля сутыкнення паміж міліцыяй і пратэстоўцамі, якія спрабавалі прадухіліць затрыманне аднаго з удзельнікаў акцыі. Пазней ён быў асуджаны за "гвалт у дачыненні да супрацоўніка органаў унутраных спраў".

У студзені 2024 года пераведзены ў іншую калонію, хутчэй за ўсё ў ВК-2.

Па падліках праваабаронцаў выйшаў на волю летам 2025 года.

Арцём быў затрыманы, моцна збіты, а пазней асуджаны за пашкоджанне машыны жонкі міліцыянера ў Новай Баравой.

29 чэрвеня 2022 года палітвязень мусіў выйсці на волю, але замест гэтага быў пераарыштаваны. У ліпені таго ж года яго паўторна асудзілі за "абразу прадстаўніка ўлады" ў закрытым чаце, арганізаваным сілавікамі з мэтай правакацыі. Арцём не прызнаў сваю віну і на судзе заявіў, што новая крымінальная справа з'яўляецца помстай з боку начальніка калоніі №15 Аляксея Лазарэнкі, дзе ён падвяргаўся катаванням і збіццям.

Вызвалены ў траўні 2023 года, поўнасцю адбыўшы тэрмін пакарання, прызначаны судом.

Алег быў затрыманы і асуджаны на 3 гады пазбаўлення волі з накіраваннем у папраўчую ўстанову адкрытага тыпу за ўдзел у акцыі пратэсту супраць фальсіфікацыі выбараў, якая адбылася 9 жніўня 2020 года ў Мінску.

У красавіку 2022 года суд пастанавіў узмацніць рэжым і перавесці яго ў папраўчую калонію за чатыры парушэнні, уключаючы нібыта няветлівыя паводзіны з супрацоўнікам «хіміі».

21 студзеня 2023 года ён быў вызвалены, поўнасцю адбыўшы тэрмін пакарання, прызначаны судом.

Аляксандра затрымалі і асудзілі за нібыта наезд на супрацоўніка ДАІ ў Жлобіне.

У ноч з 10 на 11 жніўня 2020 года ён збіраўся ў рэйс, але пагадзіўся падвезці знаёмых у цэнтр горада. Даехаць не ўдалося — на адной з вуліц пачаўся затор. Міліцыянеры выцягвалі людзей з машын. Падчас затрымання намеснік начальніка Жлобінскага РАУС Дзмітрый Дзядзюн павіс на акне яго аўто і ўпаў, калі машына кранулася.

Вызвалены ў чэрвені 2024 года, поўнасцю адбыўшы тэрмін пакарання, прызначаны судом.

Мікола быў затрыманы і асуджаны за абразу прадстаўніка ўлады.

Вызвалены 19 сакавіка 2022 года, поўнасцю адбыўшы тэрмін пакарання, прызначаны судом.

Аляксей быў асуджаны за тое, што кінуў бутэльку ў інспектара ДАІ падчас акцыі пратэсту, якая праходзіла ў Жлобіне ў ноч з 9 на 10 жніўня 2020 года.

Па падліках праваабаронцаў, ён быў вызвалены восенню 2024 года, поўнасцю адбыўшы прызначаны судом тэрмін пакарання.

Антон быў затрыманы ў межах крымінальнай справы, узбуджанай па падзеях 14 ліпеня 2020 года ў Менску, калі людзі выйшлі на вуліцы ў знак пратэсту супраць рашэння ЦВК не рэгістраваць кандыдатамі ў прэзідэнты Віктара Бабарыка і Валерыя Цапкала. Ён быў асуджаны па артыкуле "Гвалт або пагроза прымянення гвалту ў дачыненні да супрацоўніка органаў унутраных спраў".

26 ліпеня 2023 года ён быў вызвалены, поўнасцю адбыўшы прызначаны судом тэрмін пакарання.

Зміцер быў затрыманы 15 жніўня 2020 года і асуджаны за пагрозы ў адрас падпалкоўніка міліцыі, а таксама за падпал яго гаспадарчай пабудовы.

Па падліках праваабаронцаў выйшаў на волю летам 2025 года.

Андрэй быў затрыманы за тое, што 7 жніўня 2020 года ехаў на веласіпедзе крыху ззаду калоны веласіпедыстаў — удзельнікаў пратэстнага велапрабегу. Па версіі следства, ён парушыў правілы дарожнага руху: яго ровар не быў абсталяваны люстэркам задняга віду і гукавым сігналам. Супрацоўнікі ДАІ запатрабавалі, каб ён спыніўся, але Андрэй не адрэагаваў, аб'ехаў міліцыянера і працягнуў рух, спрабуючы ўцячы. У выніку яго асудзілі за тое, што ён нібыта аказаў супраціўленне супрацоўніку міліцыі.

27 жніўня 2022 года ён быў вызвалены, поўнасцю адбыўшы тэрмін пакарання, прызначаны судом.

Павел быў затрыманы ў верасні 2020 года і асуджаны за супраціўленне супрацоўнікам АМАПа падчас акцыі пратэсту, якая праходзіла 19 чэрвеня 2020 года ў Маладзечне. Ён знаходзіўся побач з некалькімі дзясяткамі гараджан, якія спрабавалі перашкодзіць затрыманню ўдзельнікаў мірнага сходу.

У чэрвені 2022 года Павел быў асуджаны паўторна за «злоснае непадпарадкаванне патрабаванням адміністрацыі папраўчай установы», і да ягонага тэрміну быў дададзены яшчэ адзін год пазбаўлення волі. Гэты артыкул прымяняецца да зняволеных, якія адмаўляюцца супрацоўнічаць з адміністрацыяй, па сфабрыкаваных абвінавачаннях.

28 лютага 2024 года ён быў вызвалены пасля поўнага адбыцця пакарання, прызначанага судом.

У снежні 2024 года стала вядома, што Павел зноў затрыманы .

Сяргей быў затрыманы ў лістападзе 2020 года і асуджаны ў рамках крымінальнай справы, узбуджанай за блакіроўку чыгуначных пуцей і развешванне пудзілаў у Брэсце.

Вызвалены ў ліпені 2022 года, поўнасцю адбыўшы тэрмін пакарання, прызначаны судом.

Давід быў затрыманы пасля вяртання з Польшчы ў рамках крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

21 студзеня 2023 года ён быў вызвалены, поўнасцю адбыўшы тэрмін пакарання, прызначаны судом.

Сяргей быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках". Паводле матэрыялаў справы, агульны ўрон перавысіў 27 тысяч беларускіх рублёў.

Вызвалены ў кастрычніку 2023 года, поўнасцю адбыўшы тэрмін пакарання, прызначаны судом.

З ранняга дзяцінства Дзяніс займаецца спортам, ён пяціразовы чэмпіён Беларусі па каратэ і майстар спорту па каратэ, рукапашным і вайсковым баях, а таксама служыў у 38 дэсантна-штурмавой брыгадзе горада Брэста, адкуль звольніўся 13 ліпеня 2020 года.

Дзяніс быў затрыманы па крымінальнай справе, узбуджанай пасля акцый пратэсту 10 жніўня 2020 года ў Брэсце супраць фальсіфікацыі выбараў. Яго абвінавацілі ў тым, што ён кідаў асфальт у сілавікоў і замахнуўся на міліцэйскую машыну, у выніку чаго ён быў асуджаны за ўдзел у "масавых беспарадках". Па матэрыялах справы, агульны ўрон склаў каля 24 тысяч беларускіх рублёў.

Нягледзячы на заняткі мужчынскім відам спорту, па сваёй натуры ён вельмі добры і адкрыты чалавек.

Вызвалены ў красавіку 2024 года, поўнасцю адбыўшы тэрмін пакарання, прызначаны судом.