Патэнцыйны пераслед

38-гадовы індывідуальны прадпрымальнік з Мазыра асуджаны за каментары ў тэлеграм-канале «Карнікі Беларусі» пра супрацоўніка ГУБАЗіку Аляксандра Алёксу і суддзю Ленінскага раёна Марыну Клімчук.

Міхаіл быў прызнаны вінаватым у чэрвені 2021 года па крымінальнай справе, узбуджанай па артыкуле аб абразе Лукашэнкі. Працэс праходзіў у закрытым рэжыме, таму падрабязнасці справы невядомыя.

Міхаіла на паседжанні прадстаўляў законны прадстаўнік. Знаёмыя абвінавачанага паведамілі, што ён з'яўляецца ўжо дастаткова пажылым чалавекам.

Аляксандр быў затрыманы 16 снежня 2021 года ў межах крымінальнай справы аб групавых дзеяннях, якія груба парушаюць грамадскі парадак, а ў сакавіку 2022 года асуджаны за ўдзел у акцыях пратэсту, якія праходзілі ў 2020 годзе ў Мінску.

Мікіту прызналі вінаватым у грубым парушэнні грамадскага парадку ў Менску ў жніўні 2020 года: у ноч з 9 на 10 жніўня і 30 жніўня Ён нібыта блакаваў транспарту шлях - у тым ліку, «счэпкай локцямі» - і тым самым спыніў яго.

Невядома ці адбываў Мікіта пакаранне ў выглядзе абмежавання волі з накіраваннем, але калі адбываў, то мусіў выйсці на волю вясной 2025 года.

17 кастрычніка 2021 года Ала патэлефанавала па хатнім тэлефоне на нумар 102 і нецэнзурна выказалася на адрас Лукашэнкі, пасля чаго была ўзята пад варту да суда.

У снежні 2021 года Ала была прызнана вінаватай і прыгаворана да абмежавання волі з накіраваннем у папраўчую ўстанову адкрытага тыпу. Яна была вызваленая з-пад варты пад падпіску аб нявыездзе да ўступлення прысуду ў законную сілу.

Дзяніс быў затрыманы ў кастрычніку 2021 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзяты пад варту да суда.

У снежні 2021 года яго асудзілі за ўдзел у акцыі пратэсту — «Маршы адзінства», які прайшоў 6 верасня 2020 года ў Гродне, і прыгаварылі да абмежавання волі з накіраваннем у папраўчую ўстанову адкрытага тыпу.

Данііл быў затрыманы ў чэрвені 2021 года па абвінавачанні ў нападзе на будынак інстытута МУС.

У снежні 2021 года яго прызналі вінаватым па артыкулах "распальванне варожасці" і "акт тэрарызму". Па версіі МУС, ён, "паддаўшыся радыкальным заклікам у гэтых супольнасцях, вырабіў "кактэйль Молатава" па апублікаванай у інтэрнэце інструкцыі і кінуў яго ў будынак". Суд прызначыў Даніілу прымусовыя меры бяспекі і лячэння ў выглядзе прымусовага лячэння ў псіхіятрычным стацыянары з узмоцненым назіраннем.

У лютым 2025 года адбылося судовае пасяджэнне па пытанні змянення прымусовых мер бяспекі і лячэння. Вынік пасяджэння невядомы.

Уладзіслаў быў затрыманы ў лістападзе 2021 года ў рамках крымінальнай справы аб групавых дзеяннях, якія груба парушаюць грамадскі парадак, а ў красавіку 2022 года прызнаны вінаватым і прыгавораны да абмежавання волі з накіраваннем ва ўстанову адкрытага тыпу.

У снежні 2024 года адбылося судовае паседжанне аб замене абмежавання волі на пазбаўленне волі ў калоніі. Вынік паседжання, як і сам факт прысутнасці на ім Уладзіслава, невядомы.

Аляксей быў асуджаны за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Зміцер, кранаўшчык стрыжнёвага ўчастка МТЗ, быў затрыманы 16 верасня 2021 года супрацоўнікамі КДБ у межах крымінальнай справы, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», і ўзяты пад варту ў СІЗА.

Дата і прысуд невядомыя, як мяркуецца, асуджаны за ўдзел у паслявыбарных акцыях пратэсту, якія прайшлі ў 2020 годзе ў Мінску.

У верасні 2022 года адбылося судовае пасяджэнне па пытанні кампенсацыі ўрону, нанесенага КТУП «Мінсктранс».

Ігар быў асуджаны за тое, што пакінуў у сацыяльнай сетцы «Аднакласнікі» каментар пад фатаграфіяй начальніка Ганцавіцкага РАУС Віталя Куляшова: «Нядоўга, стварэнне, засталося. Час пачаць баяцца свайго народа». Яго прыгаварылі да абмежавання волі з накіраваннем ва ўстанову адкрытага тыпу.

Упершыню Юрый быў затрыманы 11 жніўня 2020 года ў Гомелі і падвергся жорсткаму збіццю ў Навабеліцкім РАУС. Яго абвінавацілі ва ўдзеле ў несанкцыянаваным масавым мерапрыемстве і прыгаварылі да 12 сутак адміністрацыйнага арышту.

У ліпені 2021 года Юрыя зноў затрымалі — ужо ў межах крымінальнай справы, узбуджанай па артыкулах «абраза прадстаўніка ўлады», «абраза суддзі» і «абраза Лукашэнкі». Паводле версіі абвінавачання, ён быў падпісаны на тэлеграм-каналы, дзе публікаваліся асабістыя дадзеныя супрацоўнікаў сілавых структур, і са снежня 2020 года па красавік 2021 года размяшчаў «каментары абразлівага характару, выказаныя ў непрыстойнай форме».

У лістападзе 2021 года Юрыя прызналі вінаватым у абразе 23 чалавек — чыноўнікаў, суддзяў, супрацоўнікаў міліцыі, пракурораў і Лукашэнкі — і прызначылі прымусовае лячэнне ў псіхіятрычным стацыянары.

На судовых паседжаннях Юрый не прысутнічаў. Па словах сваякоў, ён знаходзіўся ў дэпрэсіўным стане, у яго назіраліся панічныя атакі і псіхасаматычныя засмучэнні. Таксама вядома, што за час зняволення ён схуднеў больш як на 35 кілаграмаў. Яго законным прадстаўніком выступаў бацька.

Андрэя прызналі вінаватым у тым, што 19 студзеня 2021 года ён апублікаваў каментар з абразамі ў непрыстойнай форме на адрас участковага інспектара Нясвіжскага РУУС, старшага лейтэнанта міліцыі Руслана Карневіча. Па версіі абвінавачання, каментар быў накіраваны на "прыніжэнне гонару і годнасці прадстаўніка ўлады" і "прычыніў маральныя пакуты".

27 сакавіка 2021 года Іван разам з братам Сяргеем вярталіся дадому па праспекце Незалежнасці ў Мінску і па дарозе сфатаграфавалі ваенную тэхніку, якая праязджала, пасля чаго былі затрыманы. У Першамайскім РУУС на іх склалі па два пратаколы — па артыкулах 24.23 і 24.3 КаАП ("удзел у несанкцыянаваным мітынгу" і "непадпарадкаванне законнаму патрабаванню службовай асобы").

На судзе браты прасілі не прызначаць арышт, паколькі іх маці нядаўна перанесла інсульт і мае патрэбу ў доглядзе. Нягледзячы на гэта, кожнаму прысудзілі па 30 сутак адміністратыўнага арышту.

Пасля адбыцця адміністрацыйнага тэрміна Іван быў пераведзены ў СІЗА. Падставы і сутнасць абвінавачання застаюцца невядомымі.

Жыхар Светлагорску быў асуджаны за камэнтар у групе «Карнікі Беларусі», які суд Жлобінскага раёну расцаніў як абразу супрацоўніка міліцыі. Яго прыгаварылі да абмежавання волі ў ПУАТ, абавязалі выплаціць кампенсацыю маральнай шкоды, таксама былі канфіскаваны тэлефон і арыштаваны аўтамабіль.