Беларускі перакладчык, літаратуразнаўца і выдавец. Адзін з найбольш вядомых папулярызатараў перакладной сусветнай літаратуры.
Дзмітрый - сын літаратурнага крытыка Георгія Коласа і брат кінарэжысёра і педагога Уладзіміра Коласа, зрабіў сабе імя яшчэ ў 1980-я перакладамі з французскай мовы на беларускую. З 1990-х Колас займаецца выдавецкай справай. Выдавецтва “Зміцер Колас” вядома кнігамі сусветнай паэзіі, прозы, драматургіі ў лепшых беларускіх перакладах.
Зміцера ўжо затрымліваў КДБ у пачатку сакавіка 2023 года. Аднак ён выйшаў на волю пасля 10 сутак арышту, якія ён правёў у СІЗА КДБ. Абвінавачанне яму не прад'яўлена.
У лютым 2026 года Змітра зноў затрымалі , у той жа час прайшлі масавыя затрыманні выдаўцоў і распаўсюджвальнікаў кніг. Зміцер правёў 14 сутак у ІЧУ на Акрэсціна, пасля чаго так і не выйшаў на волю. 3 сакавіка 2026 года кааліцыю друкаваных выдавецтваў, у якую ўваходзяць "Фонд Kamunikat.org", Lohvinau Publishing House, Andrei Yanushkevich Publishing, унеслі ў абноўлены МУС спіс "экстрэмісцкіх фарміраванняў". У сувязі з фармаваннем у пераліку згадваюцца Яраслаў Іванюк, Зміцер Колас , Ігар Логвінаў, Вацлаў Багдановіч, Андрэй Янушкевіч, Аляксандр Яўдаха. У яго таксама дададзены сайты і сацыяльныя сеткі выдавецтваў.
16 верасня 2026 года быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла - і вывезены ў Літву.
