Ігар, актывіст з Пружан, быў затрыманы ў сакавіку 2021 года ў межах крымінальнай справы, узбуджанай пасля акцыі пратэсту, якая прайшла 13 верасня 2020 года ў Брэсце. Удзельнікі спявалі і вадзілі карагоды, але супраць іх ужылі вадамёт. Яго асудзілі разам з жонкай за «ўдзел у групавых дзеяннях, якія груба парушаюць грамадскі парадак», нягледзячы на тое, што яны з'яўляюцца бацькамі траіх дзяцей. Па версіі абвінавачання, з-за прастою тралейбуснага і аўтобуснага парку быў нанесены ўрон у памеры каля 660 беларускіх рублёў.
Вызвалены ў чэрвені 2023 года, поўнасцю адбыўшы тэрмін пакарання, прызначаны судом.
