Палітвязні

Аляксей, былы вайсковец, сувязіст і дырэктар кампаніі па ўсталяванні і рамонце гаражных электраварот і шлагбаўмаў, быў затрыманы ў верасні 2021 года ў рамках крымінальнай справы, звязанай з ініцыятывай «Буслы ляцяць». Некаторыя эпізоды абвінавачання тычыліся пашкоджання аўтамабіля суддзі Барысаўскага раёна. У выніку ён быў прыгавораны да працяглага тэрміну пазбаўлення волі і штрафу.

У Аляксея трое дзяцей, адзін з іх — непаўналетні.

Яна была затрымана ў Санкт-Пецярбургу 1 лістапада 2021 года ў рамках крымінальнай справы, узбуджанай па некалькіх крымінальных артыкулах, уключаючы "распальванне іншай сацыяльнай варожасці", "публічныя заклікі да захопу дзяржаўнай улады" і "стварэнне экстрэмісцкага фармавання або ўдзел у ім".

У траўні 2022 года суд Расійскай Федэрацыі адмовіў Яне ў прадастаўленні часовага прытулку.

9 жніўня 2022 года яна была экстрадавана з Расіі ў Беларусь, нягледзячы на забарону экстрадыцыі з боку Камітэта па правах чалавека ААН.

У чэрвені 2023 года Яну прызналі вінаватай у адміністраванні тэлеграм-канала "Віцебск 97%", у якім, паводле версіі следства, яна размяшчала паведамленні з "негатыўнай ацэнкай супрацоўнікаў праваахоўных органаў і органаў дзяржаўнай улады", а таксама нібыта публікавала "заклікі да прычынення шкоды" міліцыянтам.

Зміцер, супрацоўнік «Белтэлекам», быў затрыманы на працоўным месцы 28 кастрычніка 2021 года ў рамках крымінальнай справы, узбуджанай па артыкулах «неправамернае завалоданне кампутарнай інфармацыяй», «распальванне сацыяльнай варожасці» і «незаконныя дзеянні ў дачыненні да інфармацыі аб прыватным жыцці і персанальных дадзеных».

У снежні 2022 года яго прызналі вінаватым у тым, што ён нібыта «здабываў з базы асабістыя дадзеныя сілавікоў, дзяржслужачых і суддзяў», і прыгаварылі да пазбаўлення волі ў калоніі.

Спачатку знаходзіўся на Акрэсціна. Затым быў арыштаваны па КК. Блізкія адзначаюць, што Дзяніс добры, сумленны, справядлівы і спагадлівы хлопец. На праўладных каналах Дзяніса называюць “галоўным візуальным рэдактарам” ролікаў руху “Супраціў”. На відэа Сальмановіч кажа , што затрыманы супрацоўнікамі міліцыі з-за таго, што «складаўся ў дэструктыўных тэлеграм-каналах», «супрацоўнічаў з "Буслы ляцяць"» і ўдзельнічаў у акцыях пратэсту ў 2020 годзе.

Апеляцыйны суд скараціў тэрмін адбывання пакарання з 10 да 9.5 гадоў пазбаўлення волі.

У Дзяніса цяжкае захворванне - хранічны гломерулонефрыт пасля гемарагічнага васкуліту. Улетку 2024 года мужчыну з калоніі забрала хуткая дапамога. Сальмановіча прааперыравалі — выразалі жоўцевую бурбалку. Пасля аперацыі мужчына яшчэ тыдзень знаходзіўся ў санчасці калоніі, пакуль яму не знялі швы.

Маці палітвязня кажа, што апошні раз Дзяніс выходзіў з ёю на сувязь у сярэдзіне лістапада 2024 года. Пасля званка мужчыну адразу ж забралі ў ШІЗА, дзе ён знаходзіцца да гэтага часу (студзень 2024 года).

У красавіку 2025 года яму ўзмацнілі жорсткасць від пакарання і перавялі на турэмны рэжым.

Ігар быў затрыманы ў кастрычніку 2021 года ў рамках крымінальнай справы, узбуджанай па некалькіх артыкулах, уключаючы «гвалт альбо пагроза прымянення гвалту ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак».

Па версіі следства, Ігар адпраўляў электронныя паведамленні на адрас афіцыйнага інтэрнэт-партала Лукашэнкі, у якіх утрымліваліся пагрозы гвалту, а таксама публікаваў абразы ў адрас прадстаўнікоў улады, у тым ліку супрацоўнікаў органаў унутраных спраў, і аналагічныя паведамленні накіроўваў супрацоўнікам Следчага камітэта. Акрамя таго, ён удзельнічаў у пратэстах падчас паслявыбарчых акцыяў у Менску ў 2020 годзе.

У чэрвені 2022 года яго прызналі вінаватым і прыгаварылі да пазбаўлення волі ў калоніі. Таксама вядома, што «пацярпелыя» сілавікі вылучылі матэрыяльныя іскі аб кампенсацыі маральнай шкоды.

Андрэй, актывіст з Вілейкі, быў затрыманы 9 жніўня 2021 года і прыгавораны да адміністрацыйнага арышту, які адбываў у ізалятарах Вілейкі і Смалявіч. Агулам ён атрымаў 90 сутак адміністрацыйнага арышту, якія адбываў у цяжкіх умовах, пасля чаго быў пераведзены ў ІЧУ на Акрэсціна, а затым у СІЗА ў межах крымінальнай справы.

У лютым 2022 года яго прызналі вінаватым па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх» і прыгаварылі да пазбаўлення волі ў калоніі.

Вызвалены ў ліпені 2023 года, цалкам адбыўшы прызначаны судом тэрмін пакарання.

У кастрычніку 2023 году яго зноў арыштавалі на 15 сутак за віншаванне Украіны з Днём Незалежнасці ў TikTok. Суд Вілейскага раёна кваліфікаваў гэта як «несанкцыянаванае пікетаванне».

15 лютага 2024 года Андрэй перастаў выходзіць на сувязь. Пазней стала вядома, што ён знаходзіцца ў мясцовым ІЧУ, дзе адбывае 15 сутак адміністратыўнага арышту. Аднак па сканчэнні тэрміна ён на волю не выйшаў, бо быў затрыманы ў рамках крымінальнай справы, узбуджанай па артыкуле «дыскрэдытацыя Рэспублікі Беларусь».

У ліпені 2024 года яго зноў асудзілі і прыгаварылі да пазбаўлення волі, а таксама да выплаты буйнога штрафу.

Аляксей, дырэктар будаўнічай фірмы, быў затрыманы ў кастрычніку 2021 года ў межах крымінальнай справы, звязанай з ініцыятывай "Буслы ляцяць". Некаторыя эпізоды абвінавачання тычыліся пашкоджання аўтамабіля суддзі Барысаўскага раёна. У выніку ён быў прыгавораны да працяглага тэрміну пазбаўлення волі і штрафу.

У чэрвені 2023 года яму ўзмацнілі жорсткасць пакарання і перавялі на турэмны рэжым.

Падчас зняволення ў Аляксея памёр бацька.

Павел быў затрыманы 29 верасня 2021 года ў межах крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра. Летам 2022 года яго асудзілі і прыгаварылі да пазбаўлення волі ў калоніі і буйнога штрафу.

Па падліках праваабаронцаў, ён быў вызвалены летам 2023 года, цалкам адбыўшы прызначаны судом тэрмін пакарання.

У лютым 2024 года ў дачыненні да Паўла адбылося судовае разбіральніцтва па абвінавачанні ў «распаўсюдзе экстрэмісцкіх матэрыялаў». Доўгі час ён не выходзіў на сувязь, а пасля суда стала вядома, што на яго пачалі новую крымінальную справу.

Паўторна Паўла асудзілі ў чэрвені 2024 года па абвінавачанні ў «паклёпе на Лукашэнку» і зноў прысудзілі да пазбаўлення волі.

Андрэй быў затрыманы ў чэрвені 2021 года ў рамках крымінальнай справы, узбуджанай па артыкулах «арганізацыя і падрыхтоўка дзеянняў, якія груба парушаюць грамадскі парадак», «незаконныя дзеянні ў дачыненні да агнястрэльнай зброі, боепрыпасаў і выбуховых рэчываў» і «абраза Лукашэнкі».

У верасні 2021 года яго прызналі вінаватым за ўдзел у паслявыбарных акцыях пратэсту 2020 года ў Мінску, абразу Лукашэнкі на YouTube, а таксама за набыццё, захоўванне і перавозку сыпучага рэчыва без апавяшчэння ўпаўнаважаных органаў.

У чэрвені 2022 года ў дачыненні да Андрэя адбылося судовае паседжанне па артыкуле «злоснае непадпарадкаванне патрабаванням адміністрацыі папраўчай установы», па выніках якога тэрмін пазбаўлення волі быў павялічаны, а рэжым узмоцнены.

У студзені 2023 года адбылося яшчэ адно судовае паседжанне па артыкуле аб «непадпарадкаванні патрабаванням адміністрацыі». У выніку агульны тэрмін пакарання склаў сем гадоў пазбаўлення волі.

З красавіка 2024 года і па стане на пачатак снежня таго ж года родныя нічога не ведаюць пра Андрэя. На іх запыт у адміністрацыю калоніі быў атрыманы фармальны адказ аб тым, што ён нібыта сам усё паведаміць «праз перапіску», аднак лістоў ад яго не паступае.

Ігар, вядучы юрысконсульт ААТ «Нафтан», быў затрыманы восенню 2021 года ў межах крымінальнай справы, узбуджанай супраць супрацоўнікаў заводаў, якія падтрымалі страйк і ўваходзілі ў ініцыятыву «Рабочы рух». 21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне прайшлі масавыя затрыманні рабочых.

У лютым 2023 года Ігара прызналі вінаватым паводле артыкулаў «здрада дзяржаве» і «стварэнне экстрэмісцкага фарміравання і ўдзел у ім» і прыгаварылі да пазбаўлення волі, а таксама да выплаты буйнога штрафу.

Віталь быў прызнаны вінаватым у верасні 2021 года ва ўздзеянні на супрацоўніка органаў унутраных спраў з мэтай змены характару яго дзейнасці шляхам пагрозы знішчэння маёмасці за каментар, пакінуты ў тэлеграм-чаце «Бароўкі 97%» пад фота старшыні Сяргея Балабановіча, і прыгавораны да арышту.

У студзені 2024 года праўладныя Telegram-каналы паведамілі аб паўторным затрыманні Віталя. У «пакаяльным відэа» ён стаяў перад камерай у кайданках і сказаў, што «заклікаў да гвалту ў дачыненні да супрацоўнікаў АМАПа толькі на эмоцыях».

Са жніўня па кастрычнік 2024 года ў дачыненні да Віталя праходзіла некалькі судовых паседжанняў у межах крымінальнай справы, узбуджанай па артыкулах «паклёп на Лукашэнку», «удзел у дзеяннях, якія груба парушаюць грамадскі парадак», «арганізацыя масавых беспарадкаў», «заклікі да санкцый» і «распальванне варожасці». Вынік невядомы.

Зміцер, стрыт-арт-мастак і IT-спецыяліст, быў затрыманы ў ліпені 2021 года ў рамках крымінальнай справы, узбуджанай па трох артыкулах, уключаючы «умяшанне ў дзейнасць супрацоўніка органаў унутраных справаў». Вядома, што пры затрыманні супрацоўнікі ГУБАЗіК збівалі Дзмітрыя і здзекаваліся з яго.

У сакавіку 2022 года Змітра прызналі вінаватым у перадачы дадзеных прадстаўнікоў сілавых ведамстваў тэлеграм-каналу «Чорная кніга Беларусі», прыгаварыўшы да пазбаўлення волі ў калоніі і выплаты маральнай шкоды «пацярпелым».

Аляксей, грамадзянін Расіі і былы супрацоўнік «Белтэлекама», быў затрыманы ў лістападзе 2020 года ў рамках крымінальнай справы, узбуджанай па васьмі артыкулах, уключаючы «незаконныя дзеянні ў дачыненні да інфармацыі аб прыватным жыцці і персанальных дадзеных» і «ўмяшанне ў дзейнасць супрацоўніка органаў унутраных спраў». Таксама вядома, што пры затрыманні Аляксея моцна збівалі.

У лютым 2022 года ён быў асуджаны за «перадачу персанальных і іншых асабістых дадзеных больш за 150 асоб тэлеграм-каналам, прызнаным экстрэмісцкімі» і прысуджаны да працяглага пазбаўлення волі, а таксама да выплаты буйной кампенсацыі «пацярпелым», эквівалентнай прыкладна 30 тысячам даляраў на момант.

Аляксандр, супрацоўнік БМЗ, быў затрыманы восенню 2021 года ў межах крымінальнай справы, узбуджанай супраць супрацоўнікаў заводаў, якія падтрымалі страйк і ўваходзілі ў ініцыятыву «Рабочы рух». 21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне прайшлі масавыя затрыманні рабочых.

У лютым 2023 года Аляксандра прызналі вінаватым паводле артыкулаў «здрада дзяржаве» і «стварэнне экстрэмісцкага фарміравання і ўдзел у ім» і прыгаварылі да пазбаўлення волі.

Вясной 2024 года адбылося чарговае судовае пасяджэнне, па выніках якога Аляксандра перавялі на турэмны рэжым.