Палітвязні

Алег — уладальнік YouTube-канала "Трэці рэгіён Беларусь", быў затрыманы ў студзені 2022 года, калі вярнуўся ў Беларусь на навагоднія святы.

Алега абвінавацілі ў дэананімізацыі сілавікоў і ў тым, што, знаходзячыся за мяжой, ён нібыта працягваў "размяшчаць у сацсетках інфармацыю антыдзяржаўнага характару і прапагандаваць супраціўленне прадстаўнікам улады". На сваім канале ён публікаваў відэа з акцыяў салідарнасці беларусаў у Кіеве, дзе жыў з 2020 года. Таксама яму паставілі "цынічныя каментары" пра загінулага супрацоўніка КДБ Дзмітрыя Федасюка.

У верасні 2022 года ён быў асуджаны па некалькіх артыкулах Крымінальнага кодэкса, уключаючы "распальванне расавай, нацыянальнай, рэлігійнай або іншай сацыяльнай варожасці". Суд прыгаварыў яго да пазбаўлення волі ў калоніі ўзмоцненага рэжыму і абавязаў выплаціць буйную кампенсацыю.

У ліпені 2023 года Алега паўторна асудзілі за "злоснае непадпарадкаванне патрабаванням адміністрацыі папраўчай установы" — абвінавачванне, якое часта ўжываецца да палітвязняў, якія адмаўляюцца супрацоўнічаць з турэмнай адміністрацыяй. У верасьні таго ж году зьявілася інфармацыя, што яго перавялі на турэмны рэжым.

Стала вядома, што ў першай палове лета 2025 года ў дачыненні да Алега адбылося яшчэ адно судовае паседжанне па тым жа артыкуле за "непадпарадкаванне". Разгляд апеляцыйнай скаргі мусіў адбыцца ў сярэдзіне ліпеня.

Арцём захапляецца музыкай і рыбалкай, адрозніваецца дапытлівасцю і дасведчанасцю ў многіх сферах. Вывучае англійскую і нямецкую мовы. Заўсёды ведаў, што будзе жыць у Германіі, любіць гурт Rammstein, слухае яго з дзяцінства і ведае на памяць многія песні.

Ён быў затрыманы 12 студзеня 2022 года ў межах крымінальнай справы аб «групавых дзеяннях, якія груба парушаюць грамадскі парадак», «незаконным зборы і распаўсюджванні персанальных дадзеных», «закліках да дзеянняў, накіраваных на прычыненне шкоды нацыянальнай бяспецы» і «дапаможніцтве ў распальванні варожасці».

У верасні 2022 года яго прызналі вінаватым ва ўдзеле ў дзвюх паслявыбарчых акцыях пратэсту, якія прайшлі ў 2020 годзе ў Мінску, а таксама ў распрацоўцы праграмы для сканіравання штрых-кодаў з мэтай байкоту кампаній, якія падтрымлівалі рэжым.

68-гадоваму Барысу Вітко ставілася ў віну тое, што 30 верасня 2021 года ў тэлеграм-канале "Ляхавічы 97" ён напісаў абразлівы каментар у дачыненні да суддзі Мікалая Кміты.

Прысуд суда 20.01.2023: 2 гады абмежавання волі без накіравання.

У канцы траўня 2023 г. стала вядома, што Барыс быў зноў затрыманы. Пра гэта паведаміў праўладны тэлеграм-канал. Супрацоўнікі АМАП у бронекамізэльках з драбавіком затрымалі мужчыну на тэрыторыі прыватнага дома. На апублікаваным відэа Барыс кажа, што яго затрымалі паводле падазрэння ў абразе Лукашэнкі (арт. 368 Крымінальнага кодэкса). Па месцы пражывання ў в. Мядзведзічы Ляхавіцкага раёна быў праведзены ператрус.

Пазней праваабаронцам стала вядома , што нейкі час Барыса Вітко ўтрымлівалі ў ляхавіцкім ІЧУ, затым перавялі ў баранавіцкае СІЗА. Цяпер ён знаходзіцца ў СІЗА-7 Брэста ў чаканні суда. У лістападзе 2023 года Барыса ўнеслі ў спіс тэрарыстаў. Суд пачаўся на пачатку студзеня 2024 года. На першым судзе Барысу Вітко ставілася ў віну тое, што 30 верасня 2021 года ў тэлеграм-канале "Ляхавічы 97" ён напісаў абразлівы каментар у дачыненні да суддзі Мікалая Кміты. Па сукупнасці прыгавораў шляхам частковага складання неадбытай часткі пакарання канчаткова абвінавачанаму Барысу Вітко прызначана пакаранне ў выглядзе пазбаўлення волі на тэрмін сем гадоў і тры месяцы з адбываннем у папраўчай калоніі ва ўмовах узмоцненага рэжыму са штрафам у даход дзяржавы ў памеры 300 базавых велічынь у суме 12 00 .

Барыс мае праблемы з сэрцам, увесь час павінен прымаць лекі.

Актывістка «Еўрапейскай Беларусі», была затрыманая 30 снежня 2021 года па крымінальнай справе аб групавых дзеяннях, якія груба парушаюць грамадскі парадак.

7 студзеня 2022 года жанчыну перавялі ў СІЗА.

У Алены ёсць маленькі сын.

У студзені 2023 г. Алену перавялі ў гомельскую жаночую калонію № 4 . Да палітвязня доўгі час не можа патрапіць адвакат, яе змяшчалі ў СІЗА.

У кастрычніку 2023 г. стала вядома, што для Алены ў жніўні не прынялі перадачу. Гэта, хутчэй за ўсё, сведчыць аб тым, што яе пазбавілі перадач. Апошні ліст ад Алены прыйшоў у пачатку верасня, з тых часоў лістоў ад яе няма. З моманту пераводу Лазарчык у калонію ні разу не быў атрыманы дазвол ад адміністрацыі ўстановы на сустрэчу з адвакатам. Што зараз адбываецца з Аленай, у якім яна стане - невядома. Алена ў калоніі адчувае праблемы з зубамі, яна схуднела.

У сярэдзіне лістапада 2023 года праваабаронцам стала вядома, што Алену зноў змяшчалі ў ШІЗА.

Па сведчаннях былой палітвязні, Алена адсядзела больш за 90 сутак у ШІЗА, больш за 60 дзён у ПКТ .

Увесну 2025 г. Алену асудзілі па ч. 2 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі) і прызначылі яшчэ паўтара гады калоніі ў дадатак да васьмі гадоў зняволення. Калі быў вынесены прыгавор, невядома. Вядома, што на судзе Алена адмовілася ад паслугаў адваката.

Затрыманая разам з маці.

Ператрус у кватэры быў праведзены па арт. 364 КК РБ. Затым была перакваліфікаваны артыкул абвінавачвання на ч. 3 арт. 130 КК РБ.

Папярэдне абвінавачваецца ў распаўсюдзе асабістых дадзеных супрацоўнікаў МУС.

Затрыманая разам з дачкой.

Ператрус у кватэры быў праведзены па арт. 364 КК РБ. Затым была перакваліфікаваны артыкул абвінавачвання на ч. 3 арт. 130 КК РБ.

Папярэдне абвінавачваецца ў распаўсюдзе асабістых дадзеных супрацоўнікаў МУС.

Фітнес-трэнер з Салігорска.

Згодна з матэрыяламі справы Гаўрылаў у студзені 2021 года набыў і падаў двум знаёмым — Таццяне і Алегу Бірулям — аэразольныя балоны з фарбай. Пасля чаго апошнія са студзеня па люты 2021 года наносілі на розныя аб'екты інфраструктуры Салігорска надпісы і малюнкі, «ажыццяўляючы іх псуту».

У жніўні 2021 года Гаўрылаў шляхам дамоўленасцей, у тым ліку за матэрыяльную ўзнагароду, уцягнуў іншага знаёмага — Сяргея Пасюка — у занятак «экстрэмісцкай дзейнасцю».

Потым абвінавачаныя са жніўня па снежань 2021 года распаўсюджвалі на тэрыторыі Салігорска ўлёткі і іншую друкаваную прадукцыю. Экспертыза зместу «Сумленнай газеты», з асобнікамі якой быў затрыманы трэнер, сведчыла аб тым, што Гаўрылаў нібыта датычны да распальвання расавай, нацыянальнай, рэлігійнай або іншай сацыяльнай варожасці або варожасці, учыненага групай асоб.

Стваральнік магазіна Symbal.by, культурны менеджэр.

Быў затрыманы 15 лістапада 2021 года пасля выкліку ў міліцыю. Пасля гэтага Паўла тройчы асудзілі па адміністрацыйных справах (на 15, 13 і 7 сутак), а пасля ўжо па крымінальнай справе перавялі ў СІЗА.

Адбываў тэрмін у ВК №17.

У лютым 2026 г. Паўла перавялі ў СТ № 4 , без рэчаў і без біркі. Па словах былых палітвязняў , ёсць верагоднасць , што на яго завялі новую справу

Станіслаў, бізнэсмэн, быў затрыманы ў снежні 2021 года ў рамках крымінальнай справы, узбуджанай па шасці крымінальных артыкулах, уключаючы такія артыкулы, як «заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь» і «стварэнне арганізацыі для ажыццяўлення тэрарыстычнай дзейнасці або ўдзел у ёй». Першапачаткова ён утрымліваўся ў СІЗА КДБ, а праз некаторы час быў пераведзены ў СІЗА-1 да суда.

Судовы працэс доўжыўся каля паўтара месяца, і ў лістападзе 2022 года Станіслава прызналі вінаватым у адміністраванні больш за 30 Telegram-чатаў, у тым ліку чатаў «97», якія, па версіі следства, выкарыстоўваліся для распаўсюджвання экстрэмісцкіх матэрыялаў і каардынацыі пратэстнай актыўнасці. Таксама яму ставілася ў віну фарміраванне і каардынацыя ўдзельнікаў супольнасцяў, размеркаванне роляў і арганізацыя іх удзелу ў акцыях пратэсту, а таксама дзеянні па пашырэнні колькасці ўдзельнікаў і падтрыманні дзейнасці супольнасцяў.

Аляксандр быў затрыманы 22 жніўня 2021 года каля дачы старшыні Вярхоўнага суда РБ Сукала У.А. за спробу падпалу. Магчыма, быў справакаваны супрацоўнікам КДБ.

У сакавіку 2022 года Аляксандра асудзілі па крымінальным артыкуле "акт тэрарызму" і прыгаварылі да пазбаўлення волі з адбываннем пакарання ў калоніі ўзмоцненага рэжыму.

Андрэй да затрымання працаваў у EPAM і раней з'яўляўся супрацоўнікам праваахоўных органаў.

Быў затрыманы ў кастрычніку 2021 года ў межах крымінальнай справы, узбуджанай па артыкулах «распальванне варожасці» і «незаконны збор і распаўсюджванне звестак аб прыватным жыцці», і узяты пад варту ў СІЗА.

У жніўні 2022 года Андрэя асудзілі за перадачу гэтых сілавікоў у Telegram-каналы «Карнікі Беларусі» і «Чорная кніга Беларусі» і прыгаварылі да пазбаўлення волі ў калоніі.

Сяргей, журналіст-расследавальнік і рэдактар беларускага партала "Штодзённік" (ej.by), быў затрыманы 8 снежня 2021 года пасля ператрусу і допыту ў Следчым камітэце. Яму прад'явілі абвінавачанне па крымінальнай справе, узбуджанай па артыкуле "атрыманне хабару", і змясцілі пад варту ў СІЗА. Таксама вядома, што Сяргей раней ужо затрымліваўся па гэтай справе — з 25 сакавіка па 4 красавіка 2020 года.

Пазней стала вядома, што яго таксама абвінавачваюць па артыкулах "распальванне варожасці" і "перавышэнне ўлады альбо службовых паўнамоцтваў".

Праваабарончыя арганізацыі расцанілі пераслед як сведчанне наяўнасці палітычнага матыву ў крымінальным пераследзе журналіста, накіраванага на прымус да спынення або змены характару яго дзейнасці па распаўсюджванні інфармацыі аб карупцыі.

На думку калегаў Сяргея, падставай для пераследу сталі яго рэзанансныя журналісцкія расследаванні, якія перш за ўсё датычыліся маштабнай карупцыі ў сферы аховы здароўя. На падставе сабраных матэрыялаў ён паведамляў аб беспрэцэдэнтных "адкатах" пры пастаўках дарагога абсталявання, аб закупцы незарэгістраванай вакцыны, якую, як сцвярджалася, фактычна адчувалі на беларускіх дзецях, а таксама аб фальсіфікацыі дадзеных аб распаўсюджванні COVID-19 у Беларусі. Пры гэтым, паводле яго даных, гэтыя дзеянні адбываліся пры адабрэнні Міністэрства аховы здароўя.

У кастрычніку 2023 года Сяргей быў прызнаны вінаватым і прыгавораны да пазбаўлення волі з адбываннем пакарання ў папраўчай калоніі.

Віталь быў затрыманы ў лістападзе 2021 года па крымінальнай справе, узбуджанай па артыкуле "удзел у масавых беспарадках", і узяты пад варту ў СІЗА.

У сакавіку 2022 года яго прызналі вінаватым ва ўдзеле ў паслявыбарчай акцыі пратэсту, якая праходзіла ў жніўні 2020 года ў раёне ГЦ "Рыга" ў Мінску. Па версіі МУС, ён нібыта "разам з іншымі агрэсіўна настроенымі ўдзельнікамі ўчыняў пагромы і знішчэнне маёмасці: драбніў тратуарную плітку, узводзіў барыкады, перакрываў рух транспарту".

Мікіта быў затрыманы ў лістападзе 2021 года ў рамках крымінальнай справы, узбуджанай па артыкуле "акт тэрарызму" — па версіі следства, за прывядзенне ў непрыдатнасць чыгуначных шляхоў. Пазней яму канчаткова прад'явілі абвінавачанні па двух артыкулах Крымінальнага кодэкса: "удзел у дзеяннях, якія груба парушаюць грамадскі парадак" і "падрыхтоўка да ўдзелу ў масавых беспарадках".

У ліпені 2022 года Мікіту прызналі вінаватым у закліках да актыўнага ўдзелу, а таксама ва ўдзеле ў паслявыбарных акцыях пратэсту, якія прайшлі ў 2020 годзе ў Мінску, у тым ліку эпізоды "перакрыцця дарог". Следства таксама сцвярджала, што ён атрымліваў ад адміністратараў Telegram-чата "АГСБ" тэлескапічныя дубінкі і электрашокеры, а таксама інструкцыі для дыверсіі на чыгунцы.

Сяргей быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групе ўдзельнічалі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых органаў, спартоўцы і бізнэсмэны, якія імкнуліся захапіць уладу незаконным шляхам». Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Сяргея асудзілі па некалькіх крымінальных артыкулах на вялікі тэрмін пазбаўлення волі і штрафу, а таксама яго пазбавілі воінскага звання.