- Аб'яднанні
- Актывісты
- Ваенныя
- Палітыкі
Мікалай - лідэр незарэгістраванай Беларускай сацыял-дэмакратычнай партыі (Народная Грамада), былы кандыдат у прэзідэнты, падпалкоўнік запасу, кандыдат тэхнічных навук. Адзін з заснавальнікаў Беларускага аб'яднання вайскоўцаў. Неаднаразова быў у зняволенні па палітычных матывах.
У 1990-х арганізаваў пратэсты, у тым ліку «Менскую вясну» і марш 1999 года.
У 2004 годзе ўзначаліў вулічныя пратэсты супраць фальсіфікацыі рэферэндуму, пасля чаго ў 2005 годзе быў асуджаны на 3 гады абмежавання волі. У сувязі з аб'яўленай у гонар 60-годдзя Перамогі амністыяй тэрмін пакарання быў скарочаны на год. У 2010 годзе ўдзельнічаў у прэзідэнцкай кампаніі і пратэстах у Мінску, пасля чаго быў затрыманы і ў 2011 годзе асуджаны на 6 гадоў калоніі ўзмоцненага рэжыму. У студзені 2012 года і ў маі 2015 года ўмовы пакарання былі больш жорсткімі, у выніку чаго ён знаходзіўся на турэмным рэжыме. Вызвалены ў жніўні 2015 года ў рамках памілавання.
Пасля выхаду працягнуў палітычную дзейнасць і ўдзел у вулічных акцыях. У 2016 годзе з яго ініцыятывы быў створаны Беларускі нацыянальны кангрэс. У 2020 годзе выступіў у падтрымку жонкі іншага незарэгістраванага кандыдата - сацыяльнага блогера Сяргея Ціханоўскага - Святланы Ціханоўскай . Чарговы раз Мікола быў затрыманы 31 траўня 2020 года па дарозе на яе перадвыбарчы пікет. Першапачаткова ён атрымаў 15 сутак адміністратыўнага арышту, але так і не выйшаў на волю. Пасля, у снежні 2021 года, яго асудзілі па крымінальнай справе за "арганізацыю масавых беспарадкаў".
Па дадзеных праваабаронцаў, фігуранты "справы" абавязаныя выплаціць кампенсацыю ў памеры 29 мільёнаў рублёў.
11 верасня 2025 года стала вядома, што 52 вязні беларускага рэжыму прымусова перамясцілі на тэрыторыю Літвы. У ліку вызваленых Мікола Статкевіч. Пры гэтым Мікалай адмовіўся пакідаць тэрыторыю Беларусі, для гэтага яму давялося выбіць нагой дзверы ў аўтобусе. Пасля некалькіх гадзінаў чакання на нейтральнай паласе, ён вярнуўся на тэрыторыю РБ. Як стала вядома толькі праз два месяцы, яго зноў узялі пад варту. Дакладнае месцазнаходжанне невядома.
- Аб'яднанні
- Актывісты
- Бацькі непаўнагадовых
- IT-спецыялісты
Адзін з кіраўнікоў ініцыятывы "Сумленныя людзі" Ілля актыўна ўдзельнічаў у выбарчай кампаніі Віктара Бабарыка, узначальваючы аддзел верыфікацыі подпісаў. Ён быў затрыманы 4 жніўня 2020 года па абвінавачанні ў эканамічных злачынствах, аднак пазней быў асуджаны за "размяшчэнне медыя, накіраваных на дыскрэдытацыю ўлады і падзел грамадства па палітычных поглядах".
| 11.10.2021 | День рождение - 23 сентября (из письма информация) |
- Аб'яднанні
- Прадпрымальнікі
Эдуард, які скончыў БДЭУ па спецыяльнасці «Эканоміка і кіраванне прадпрыемствамі» і кіраваў краўдфандынгавымі платформамі Ulej і MolaMola, а таксама ініцыятыўнай групай свайго бацькі Віктара Бабарыка, быў затрыманы 18 чэрвеня 2020 года па шляху ў ЦВК для здачы подпісаў. Ён правёў больш за тры гады ў зняволенні без суда і быў асуджаны за "арганізацыю масавых беспарадкаў" і "ухіленне ад выплаты падаткаў".
У ліпені 2024 года яго паўторна прыгаварылі да двух гадоў пазбаўлення волі за «непадпарадкаванне адміністрацыі калоніі».
- Аб'яднанні
- Палітыкі
- Прадпрымальнікі
Віктар — беларускі бізнэсмэн і грамадскі дзеяч. Ён заснаваў міжнародны фонд "Шанц", ініцыяваў праекты "Тэарт" і "Арт-Беларусь", дзякуючы якім у краіну былі вернуты творы мастацтва. Пад яго кіраўніцтвам Белгазпрамбанк увайшоў у лік найбуйнейшых банкаў Беларусі. У 2020 годзе вылучыў сваю кандыдатуру на прэзідэнцкіх выбарах, што прыцягнула шырокую падтрымку, у выніку чаго ў чэрвені 2020 года быў затрыманы і пазней асуджаны па эканамічных артыкулах.
- Аб'яднанні
- Двойчы палітзняволенныя
- Палітыкі
- Бацькі непаўнагадовых
Павал - беларускі апазіцыйны палітык і сузаснавальнік партыі "Беларуская хрысціянская дэмакратыя". Яго затрымалі ў чэрвені 2020 года, пасля чаго ён атрымаў некалькі адміністратыўных арыштаў за ўдзел у перадвыбарных пікетах. Пазней Паўла асудзілі па крымінальнай справе аб арганізацыі масавых беспарадкаў.
У чэрвені 2023 года яго перавялі на турэмны рэжым.
- Аб'яднанні
- Актывісты
- Бацькі непаўнагадовых
- Спартсмены
Сябра пашыранай Каардынацыйнай рады быў затрыманы 29 верасня 2020 года па справе аб масавых беспарадках, збіты супрацоўнікамі АМАПа і абвінавачаны ва ўдзеле ў тэлеграм-каналах "радыкальнага кірунку".
- Аб'яднанні
- Прадпрымальнікі
- Выкладчыкі
- Навукоўцы
- Юрысты
Адвакат і член прэзідыума Каардынацыйнай рады па ўрэгуляванні палітычнага крызісу.
Максім быў затрыманы 9 верасня 2020 года і абвінавачаны ў змове і экстрэмісцкай дзейнасці, у тым ліку публічныя заклікі да захопу ўлады і дзеянняў, якія пагражаюць нацыянальнай бяспецы, з выкарыстаннем СМІ і інтэрнэту.
- Аб'яднанні
- Палітыкі
Марыя — член прэзідыума Каардынацыйнай рады і кіраўнік штаба Віктара Бабарыка — была выкрадзена 7 верасня 2020 года і вывезена да беларуска-ўкраінскай мяжы для выправаджэння. Яна парвала пашпарт і адмовілася пакідаць краіну. 9 верасня яе затрымалі і змясцілі пад варту.
У верасні 2021 года яе асудзілі па артыкулах: «змова з мэтай захопу ўлады неканстытуцыйным шляхам», «заклікі да дзеянняў супраць нацыянальнай бяспекі» і «стварэнне экстрэмісцкага фармавання».
У лістападзе 2022 года Марыя перанесла аперацыю з-за прабадной язвы і перытанітам. З сакавіка 2023 года знаходзілася ў ПКТ. З-за праблем са здароўем не працавала, яе суправаджалі нават на пастраенні.
Марыя доўгі час утрымлівалася ў рэжыме інкамунікада. Улетку 2024 года стала вядома, што адміністрацыя ізалявала яе ад іншых зняволеных, з ёй увесь час знаходзіліся ахоўніцы. 12 лістапада 2024 года яна ўпершыню за 18 месяцаў сустрэлася з бацькам.
Сустрэча прайшла ў турэмным шпіталі, і дакладна невядома, ці знаходзілася яна на лячэнні ці яе прывялі туды з ПКТ. Да гэтага ад Марыі не было ніякай сувязі, а пра яе стан рабілася вядома толькі са слоў іншых зняволеных.
Пасля гэтай сустрэчы яна зноў была пазбаўлена сувязі з навакольным светам і працягвае ўтрымлівацца ў рэжыме інкамунікада.
У лютым 2025 года яе сястра паведаміла, што Марыю вярнулі ў атрад і выказала спадзяванне на аднаўленне сувязі.
- Аб'яднанні
- Палітыкі
- Бацькі непаўнагадовых
- Аб'яднанні
- Палітыкі
- Бацькі непаўнагадовых
Былы кандыдат у прэзідэнты, затрыманы па крымінальнай справе.
Андрэй Дзмітрыеў - сузаснавальнік і сустаршыня аб'яднання «Гавары праўду».
У 2021 годзе ў аб'яднанні «Гавары праўду» прайшлі ператрусы, пасля якіх рахункі арганізацыі заблакавалі, а офіс — апячаталі. 12 жніўня 2021 года Дзмітрыева затрымалі на кароткі тэрмін, але потым адпусцілі.
Паўторна мужчыну затрымалі 11 студзеня 2023 года і пасадзілі ў СІЗА -1. Следчы камітэт паведаміў, што Дзмітрыеў удзельнічаў у паслявыбарчых акцыях пратэсту 2020 года, таму стаў падазраваным па арт.342 КК РБ.
20.04.2024 вызвалены поўнасцю адбыўшы тэрмін пакарання, прызначаны судом.
1,5 гады пазбаўлення волі ў калоніі агульнага рэжыму.
- Аб'яднанні
- Палітыкі
- Аб'яднанні
- Палітыкі
Беларускі дзяржаўны дзеяч, дыпламат, ініцыятар і стваральнік Парка высокіх тэхналогій. Удзельнік прэзідэнцкай кампаніі 2020 года.
17 гадоў пазбаўлення волі завочна.
- Аб'яднанні
- Палітыкі
- Бацькі непаўнагадовых
- Аб'яднанні
- Палітыкі
- Бацькі непаўнагадовых
Кандыдатка ў прэзідэнты Рэспублікі Беларусь на выбарах 2020 года. Пасля абвяшчэння афіцыйных вынікаў пачаліся акцыі пратэсту, Ціханоўская заявіла аб узурпацыі ўлады дзеючым прэзідэнтам і заклікала правесці новыя і сумленныя выбары. 11 жніўня 2020 года Ціханоўская пакінула Беларусь. Яе муж Сяргей Ціханоўскі, блогер і палітычны дзеяч, асуджаны на 18 гадоў пазбаўлення волі.
Святлану Ціханоўскую, Паўла Латушку, Вольгу Кавалькову, Марыю Мароз, Сяргея Дылеўскага судзілі у межах адной крымінальнай справы. Агулам ім інкрымінавалі 12 артыкулаў.
11 студзеня Святлана Ціханоўская звярнулася ў Мінскі гарадскі суд з патрабаваннем прадаставіць ёй права азнаёміцца з матэрыяламі справы па яе завочнаму суду. А таксама апавясціла суд аб тым, што збіраецца скарыстацца сваім правам на адваката. Яна таксама напісала Мінскай гарадской і Рэспубліканскай калегіям адвакатаў аб тым, што хоча звязацца з прызначаным ёй адвакатам і выпрацаваць пазіцыю.
Святлана Ціханоўская падкрэсліла, што лічыць працэдуру завочнай судавытворчасці парушэннем базавых правоў і свабодаў чалавека.
Справа была ўзбуджаная за распаўсюджванне і рассылку ўлётак з заклікам лічыць галасы выбаршчыкаў сумленна.
Быў адным з каардынатараў штаба Віктара Бабарыкі на прэзідэнцкіх выбарах і сябрам Каардынацыйнай Рады. Першы раз быў затрыманы ў 2020 годзе. 28.08.2020 года яго затрымалі і змясцілі пад варту, а 12 лістапада вызвалілі пад даручальніцтва Васкрасенскага.
Другі раз Віталя затрымалі ў ліпені 2021 года. Асуджаны 9 жніўня 2021 года. Прадпрымальнік, бізнэсмэн, івэнт-мэнэджар, займаўся арганізацыяй буйных карпаратыўных мерапрыемстваў.
5 гадоў абмежаванні свабоды без накіравання.
У судзе Ленінскага раёна Мінска 6 жніўня да трох месяцаў арышту асудзілі старшыню Аб'яднанай грамадзянскай партыі (АГП), члена асноўнага складу Каардынацыйнай рады Мікалая Казлова. Яго прызналі вінаватым па ч. 1 арт. 407 Крымінальнага кодэкса за разгалашэнне дадзеных па крымінальнай справе супраць Каардынацыйнай рады, але канкрэтныя эпізоды абвінавачвання невядомыя, бо суд праходзіў у закрытым рэжыме. Вызвалены 26 сакавіка 2022 года пасля заканчэння тэрміну. У канцы ліпеня 2022 г. быў зноў затрыманы. Паводле абвінавачання, Казлоў, Кавалёва і Аляксеева 23 жніўня 2020 года "публічна выкрыквалі лозунгі, гучна апладзіравалі, знаходзіліся на праезнай частцы, чым блакіравалі і перашкаджалі руху транспарту ў Мінску, у тым ліку гарадскога пасажырскага транспарту "Мінсктранса"".
Працэс над сябрамі АГП пачаўся 1 лістапада 2022 г. у судзе Першамайскага раёна Мінска. 3 лістапада суддзя Наста Кулік прысудзіла палітвязню два з паловай гады пазбаўлення волі.
31 студзеня 2023 г. у Мінгарсудзе была разгледжана апеляцыйная скарга лідэраў АГП. Прысуд застаўся без змен, а скарга - без задавальнення.
У сярэдзіне лютага палітвязень быў этапаваны ў магілёўскую ВК №15. Адразу пасля каранціну Мікалая змясцілі да 26 сакавіка ў карцэр.
На пачатку траўня 2023 г. у палітвязня памерла маці. Мікалая не адпусцілі з калоніі на пахаванне.
У пачатку ліпеня 2023 г. паплечнікі Мікалая распавялі , што палітвязень трапіў у шпіталь з бранхітам.
У сярэдзіне снежня 2023 г. стала вядома, што палітыка ў лістападзе змясцілі ў ПКТ на 2 месяцы.
22.07.2024 вызвалены , поўнасцю адбыўшы тэрмін пакарання, прызначаны судом.
Першы прысуд 3 месяца арышту.
Другі прысуд 2 гады пазбаўлення волі ў калоніі ва ўмовах агульнага рэжыму.
- Аб'яднанні
- Блогеры
- Палітыкі
- Бацькі непаўнагадовых
- Аб'яднанні
- Блогеры
- Палітыкі
- Бацькі непаўнагадовых
Папулярны беларускі блогер і стваральнік YouTube-канала «Краіна для жыцця» Сяргей выказаў жаданне балатавацца на пасаду прэзідэнта. Аднак да пачатку выбарчай кампаніі яго арыштавалі за арганізацыю несанкцыянаванага мерапрыемства. Ягоная жонка, Святлана Ціханоўская, падала дакументы ў ЦВК па даверанасці, але Сяргея не зарэгістравалі кандыдатам з-за адсутнасці яго подпісу. Пасля Святлана сама была зарэгістраваная як кандыдат. Пасля вызвалення Сяргей стаў яе даверанай асобай і ўдзельнічаў у зборы подпісаў.
29 траўня 2020 года яго зноў затрымалі падчас пікету ў Гродне і пазней асудзілі па некалькіх крымінальных артыкулах, уключаючы «арганізацыю масавых беспарадкаў» і «распальванне варожасці». Па дадзеных праваабаронцаў, фігуранты «справы» абавязаныя выплаціць кампенсацыю ў памеры 29 мільёнаў рублёў.
У жніўні 2022 года суд перавёў Сяргея на турэмны рэжым. У лютым 2023 года яго асудзілі паўторна за «злоснае непадпарадкаванне патрабаванням адміністрацыі папраўчай установы» — артыкул, які ўжываецца да зняволеных, якія адмаўляюцца супрацоўнічаць з адміністрацыяй, у тым ліку за выдуманыя парушэнні. У выніку да яго 18-гадовага тэрміну дадалі яшчэ паўтара гады зняволення.
21 чэрвеня 2025 года Сяргей быў вызвалены пасля візіту ў Менск спецыяльнага прадстаўніка прэзідэнта ЗША Дональда Трампа — Кіта Келага, і адразу ж вывезены ў Літву.