Віталь Віктаравіч Чопік

Па дадзеных, атрыманых у розны час ад крыніц , вядома што ў мужчыны праводзілі ператрус 1 снежня 2021 года. А ў верасні 2022 года Чопіка затрымалі спачатку па артыкуле 19.11 КаАП, але калі аказалася што ў мужчыны проста няма тэлефона дзе могуць быць нейкія «экстрэмісцкія матэрыялы», то склалі пратакол ужо па арт.24.23 КаАП. Падставай для пратакола стаў бчб-сцяг, прыклеены скотчам знутры да акна дома - вось толькі сам мужчына сцвярджаў, што сцяг з'явіўся ўжо пасля таго, як яго затрымалі і даставілі ў ІЧУ.

Апошні віток эскалацыі паміж Чопікам і сілавікамі здарыўся ў пачатку сакавіка 2024 года: брэстаўчаніна зноў затрымалі. Пасля затрымання мужчыну дастаўлялі на хуткую са слядамі моцнага збіцця, а колер асобы Чопіка быў жоўтым (што можа казаць аб пашкоджанні печані з-за збіцця). 28 сакавіка 2024 года, МУС аб'явіла , што змясціла брэстаўчаніна ў СІЗА. Па ўзросце і па гісторыі мужчыны («сістэматычна наведваў суды па крымінальных справах») можна зрабіць выснову, што гаворка менавіта пра Віталя Чопіка. Яго падазраюць у "садзейнічанні экстрэмісцкай дзейнасці".