Валянцін, памочнік майстра на заводзе «Хімвалакно», які ўваходзіць у склад «Гродна Азот», а таксама намеснік старшыні Беларускага незалежнага прафсаюза «Гродна Азота», быў затрыманы восенню 2021 года ў межах крымінальнай справы, узбуджанай супраць супрацоўнікаў заводаў, якія падтрымалі страйк і ўваходзілі ў ініцыятыву «Рабочы рух». 21 верасня 2021 года гэтая ініцыятыва была прызнана экстрэмісцкай арганізацыяй, пасля чаго па ўсёй краіне прайшлі масавыя затрыманні рабочых.
У лютым 2023 года Валянціна прызналі вінаватым паводле артыкулаў «здрада дзяржаве» і «стварэнне экстрэмісцкага фарміравання і ўдзел у ім» і прыгаварылі да пазбаўлення волі.
У кастрычніку 2024 года адбылося чарговае судовае пасяджэнне, па выніках якога Валянціна перавялі на турэмны рэжым.
