У пачатку сакавіка 2022 года Сяргея затрымалі супрацоўнікі ГУБАЗ. У «пакаяльным» відэа ён сказаў, што яго затрымалі за рэгістрацыю ў плане «Перамога» і ўдзел у «дэструктыўных» чатах.
Паводле версіі абвінавачання, у сакавіку 2022 года Сяргей у адным з Telegram-чатаў абмяркоўваў набыццё і дастаўку ў Беларусь аўтаматаў і боепрыпасаў, заклікаў пашкоджваць чыгуначны транспарт і пакідаў каментары, якія палічылі абразлівымі для прадстаўнікоў улады і Лукашэнкі.
У лістападзе 2022 года Сяргея прызналі вінаватым па крымінальнай справе, узбуджанай па некалькіх артыкулах, у тым ліку «Масавыя беспарадкі» і «Заклікі да дзеянняў, накіраваных на прычыненне шкоды нацыянальнай бяспецы», і прыгаварылі да вялікага тэрміну пазбаўлення волі.
