Украінец, які жыве ў Беларусі з 2013 года. У 2012-2013 годзе Іван праходзіў службу ў разведвальных падраздзяленнях ВСУ, сцвярджае БелТА. Следства лічыць, што ў студзені гэтага года Ліхалат выйшаў на сувязь з СБУ, дзе яму даручылі ўзарваць чыгуначныя пуці. Да задання ён прыцягнуў двух гродзенцаў, якія валодалі прафесійнымі навыкамі мінна-выбухной справы. Пухальскага затрымалі, калі ён забраў са схованкі ў Кобрынскім раёне выбуховае прыстасаванне і перавёз яго ў Талачынскі раён. Ліхалат і Бародзіч былі затрыманы ў Гродне.
Падчас знаходжаньня ў СІЗА КДБ Іван моцна схуднеў. Псіхіятр прапісаў яму прэпараты для паляпшэння сну і самаадчування, а таксама, каб знізіць трывожнасць. У яго былі болі ў назе , ён мае там металічны сустаў , а таксама ў яго балела галава з-за атрыманых кантузій. Пры гэтым спальнае месца ў яго было наверсе, што прыносіла дадатковыя праблемы. Падчас следства, каля дзевяці месяцаў , палітвязня ўтрымлівалі ў "гумцы ": гэта спецыяльная камера, у якой гумовыя сцены, адна лямпачка і больш нічога. Івана моцна збівалі следчыя . Вядома , што пару разоў да яго прыходзілі з украінскай амбасады, але не змаглі дапамагчы. Лісты ад родных зняволенаму не перадавалі , таксама ў яго не было магчымасці набываць прадукты і рэчы ў турэмнай краме. Іван вельмі сумуе па сваіх дзецях.
Прыгавораны да 20 гадоў пазбаўлення волі, пры гэтым суд вызначыў Івану адбываць пакаранне ў выглядзе пазбаўлення волі ў турме на працягу першых трох гадоў.
6 верасня 2026 г. Івана этапавалі ў калонію, у якую - пакуль невядома.
