Паводле версіі абвінавачання , з 10 па 11 жніўня 2020 года на той момант непаўналетнія Юлія Шаранава, Мікіта Вайцюк, Мікалай Нікіцюк, а таксама Васіль Аляксеюк, Глеб Клімовіч, Віталь Варфаламееў, Аляксандр Тысевіч, Максім Собалеў, знаходзячыся на праезнай частцы бульв. і Шаўчэнка, вул. Савецкай у Брэсце, " выкрыквалі лозунгі, дэманстравалі палотны бел-чырвона-белага колеру, груба парушаючы грамадскі парадак, наўмысна перашкаджалі руху транспартных сродкаў і нармальнаму функцыянаванню прадпрыемстваў і арганізацый" .
У судовым паседжанні ўсе віну прызналі цалкам.
Таксама вядома, што Максім Собалеў, Глеб Клімовіч, Юлія Шаранава асуджаныя, у тым ліку па "наркатычных" артыкулах.
Максіму Собалеву па ч. 1 арт. 342 КК было прызначанае два гады пазбаўлення волі. Але паколькі, Максім быў ужо асуджаны па "наркатычным" ч. 4 арт. 328 КК, шляхам частковага складання асноўных пакаранняў і поўнага далучэння дадатковага пакарання, прызначанае 12 гадоў калоніі з адбываннем у папраўчай калоніі ва ўмовах узмоцненага рэжыму са штрафам у суме 3 200 рублёў.
